સુરતના ઉમરપાડામાં 11 ઈંચ વરસાદ, રસ્તા બંધ, જનજીવન અસ્તવ્યસ્ત
ગુજરાતમાં સુરત જિલ્લાના ચેરાપુંજી કહેવાતા ઉમરપાડામાં અનરાધાર વરસાદ પડ્યો છે.
સુરતઃ ચોમાસુ હવે તેના અંતિમ દોરમાં છે તેમછતાં ઘણા સ્થળોએ ભારે વરસાદ પડી રહ્યો છે. ગુજરાતમાં સુરત જિલ્લામાં ચેરાપુંજી કહેવાતા ઉમરપાડામાં અનરાધાર વરસાદ પડ્યો છે. માત્ર બે કલાકમાં અહીં 11 ઈંચ વરસાદ નોંધવામાં આવ્યો છે. જેના કારણે જનજીવન સંપૂર્ણપણે અસ્તવ્યસ્ત થઈ ગયુ છે. વરસાદ એટલો વધુ હતો કે રસ્તા પર જાણે કે નદી વહેવા લાગી.
માહિતી મુજબ બે કલાકથી વધુ સમય સુધી થયેલા ભારે વરસાદના કારણે નદીઓ છલકાઈ ગઈ. વિસ્તારમાં રસ્તા બંધ થવાથી જનજીવન અસ્તવ્યસ્ત થવા લાગ્યુ. ઘણા ગામોનો સંપર્ક તૂટી ગયો. વળી, અહીંથી થોડા કિલોમીટર દૂર માંગરોળમાં 5.5 ઈંચ વરસાદ થયો. ભારે વરસાદના કારણે ગુજરાતની નદીઓ છલકાઈ રહી છે. વાહન વ્યવહાર પણ ખોરવાયો છે.
તમને જણાવી દઈએ કે જુલાઈ તેમજ ઓગસ્ટમાં ગુજરાતમાં ભયંકર વરસાદ થયો. જો કે સપ્ટેમ્બરની શરૂઆત સાથે જ વરસાદ થંભી ગયો હતો. ત્યારબાદ હવે ગુરુવારે સુરત જિલ્લામાં ફરીથી વાદળ વરસ્યા. જિલ્લાના ઉમરપાડાના જંગલ વિસ્તારમાં ભારે વરસાદના કારણે વરસાદ થયો. દિવસભર વાદળ છવાયેલા રહ્યા બાદ બપોરે બે વાગ્યા બાદ અચાનક ગડગડાટ સાથે મૂસળધાર વરસાદ શરૂ થઈ ગયો. બે કલાકમાં 11 ઈંડ વરસાદ થયો. ઉમરપાડા મુખ્ય બજારનો રસ્તો તો નદીની જેમ વહેવા લાગ્યો. આંતરિક અને મુખ્ય રસ્તાઓ પર પણ પાણી ભરાઈ ગયા.
ગૂગલે આપ્યો Paytmને મોટો ઝટકો, પ્લે સ્ટોરમાંથી હટાવી એપ