Par Tapi Narmada Link : પાર-તાપી-નર્મદા રિવર લિંક પ્રોજેક્ટના વિરોધમાં ચાર જિલ્લાના લોકો રસ્તા પર ઉતર્યા

Par Tapi Narmada Link Project : દક્ષિણ ગુજરાતમાં પાર-તાપી નર્મદા રિવર લિંક પ્રોજેક્ટ સામે લોકોનો આક્રોશ ફાટી નીકળ્યો છે. આ યોજનાના વિરોધમાં લોકોએ વિવિધ વિસ્તારોમાં પોતાનો અવાજ બુલંદ કર્યો છે.

આ પ્રોજેક્ટનો વિરોધ એટલો ઉગ્ર બન્યો છે કે, વાંસદામાં કોંગ્રેસના ધારાસભ્ય અનંત પટેલના નેતૃત્વમાં એક વિશાળ મહારેલીનું આયોજન કરવામાં આવ્યું હતું. આ રેલીમાં હજારોની સંખ્યામાં લોકો ઉમટી પડ્યા હતા અને યોજના સામે પોતાનો વિરોધ પ્રદર્શિત કર્યો હતો.

આ મહારેલીમાં માત્ર વાંસદા જ નહીં પરંતુ આસપાસના અન્ય જિલ્લાઓમાંથી પણ મોટી સંખ્યામાં લોકો જોડાયા હતા. નવસારી, તાપી, ડાંગ અને વલસાડ જિલ્લાના આદિવાસી સમાજ સહિતના લોકો આ રેલીમાં સામેલ થયા હતા.

આ રેલીએ સ્પષ્ટ સંદેશ આપ્યો છે કે દક્ષિણ ગુજરાતના લોકો આ પ્રોજેક્ટને કોઈપણ ભોગે સ્વીકારવા તૈયાર નથી. આ રેલીમાં મોટી સંખ્યામાં લોકોની હાજરી એ દર્શાવે છે કે આ પ્રોજેક્ટથી થનારા સંભવિત નુકસાન અંગે લોકોમાં ગંભીર ચિંતા છે.

આદિવાસી સમાજ અને અન્ય સ્થાનિકોનું માનવું છે કે આ પ્રોજેક્ટના કારણે તેમને પોતાની જમીન અને ઘર છોડવા પડશે, જે તેમના માટે અસ્વીકાર્ય છે.

English summary

Massive Protest Erupts Against Par-Tapi-Narmada Link Project in South Gujarat