Surat-Kolkata flight: ઈન્ડિગોએ શરૂ કરી સુરત કોલકત્તા ડાયરેક્ટ ફ્લાઈટ, જાણો ભાડું

Surat-Kolkata flight price: એર ઈન્ડિયા એક્સપ્રેસ દ્વારા તેની કોલકાતા-સુરત-કોલકાતા ફ્લાઇટનું બુકિંગ 1 જાન્યુઆરી, 2025થી બંધ કરવાની જાહેરાત કરવામાં આવી છે. આવામાં સુરતથી કલકત્તા મુસાફરી કરતા લોકો માટે સારા સમાચાર સામે આવી રહ્યા છે.

ઈન્ડિગો એરલાઈન્સ દ્વારા સુરત કોલકત્તા રૂટ પર 27 ડિસેમ્બર, 2024 થી શરૂ થતી નવી દૈનિક ફ્લાઇટની જાહેરાત કરવામાં આવી છે, જેના માટે ટિકિટ બુકિંગ પહેલેથી જ ખુલ્લું મુકવામાં આવ્યું છે.

ઇન્ડિગોની ફ્લાઇટ સાંજે 4:00 કલાકે કોલકાતાથી ઉપડશે, જે 6:50 કલાકે સુરત પહોંચશે. આ સાથે સુરતથી 7:20 કલાકે પરત ફરશે, 9:50 કલાકે કોલકાતા પહોંચશે.

સુરત એરપોર્ટ પર પેસેન્જર ટ્રાફિકમાં કોલકાતા-સુરત રૂટ ત્રીજા ક્રમે હોવાથી ઈન્ડિગો દ્વારા આ નિર્ણય લેવામાં આવ્યો છે.

ઉલ્લેખનીય છે કે, પેસેન્જર ડેટા અનુસાર, આ રૂટ 2018-19માં 1,70,496 મુસાફરો, 2022-23માં 1,13,845 મુસાફરોને હેન્ડલ કરે છે.

વર્ષ 2023-24માં 1,25,188 મુસાફરોએ આ રૂટ પર મુસાફરી કરી હતી. એકલા એપ્રિલથી સપ્ટેમ્બર 2024 સુધીમાં 61,121 મુસાફરો નોંધાયા હતા. આટલા નોંધપાત્ર ટ્રાફિક હોવા છતાં, એર ઈન્ડિયા એક્સપ્રેસ 1 જાન્યુઆરી, 2025થી તેની સેવા પાછી ખેંચી રહી છે.

ઈન્ડિગોની વેબસાઈટ અનુસાર, હાલ સુરતથી કોલકત્તાની ડાયરેક્ટ ફ્લાઈટનું ભાડુ 5116 રૂપિયા રાખવામાં આવ્યું છે. આ સાથે કોલકત્તાથી સુરત આવવા માટે 5072 રૂપિયા ચુકવવા પડશે. આ ભાડા સાથે મુસાફરોએ ટેક્સ ચુકવવાનો રહેશે.

ઉલ્લેખનીય છે કે, ઓછા ભાડામાં પ્લેનની મુસાફરી કરવા માટે વહેલા બુકિંગ કરવાથી લાભ થાય છે. આ સાથે વિવિધ ફ્લાઈટ ટિકિટ બુકિંગ ચકાસી તમે પ્રોમો કોડ મારફતે તમારો મુસાફરી ખર્ચ ઘટાડી શકો છો.

English summary

Surat-Kolkata flight price: Indigo starts direct flight from Surat to Kolkata, know the fare