Vadodara: વડોદરા મ્યુઝિયમની વધી શોભા, પ્રોજેક્શન લાઇટ અને સાઉન્ડ ઓડિયો/વીડિયો શોનું ઉદ્ઘાટન
Vadodara: વડોદરા શહેરે મુલાકાતીઓ/પ્રવાસીઓ માટે વધુ એક આકર્ષણ ઉમેરવામાં આવ્યું છે. સોમવારના રોજ રાજમાતા શુભાંગીનીદેવી, વડોદરા શહેરના મેયર અને અન્ય મહાનુભાવોની હાજરીમાં વડોદરા શહેરના ઈતિહાસને વર્ણવતા લાઇટ પ્રોજેક્શન શોનું ઉદ્ઘાટન રાજ્યમંત્રી હર્ષ સંઘવી દ્વારા કરવામાં આવ્યું હતું.
રાજ્યના ગૃહ મંત્રી હર્ષ સંધવીએ જણાવ્યું હતું કે, ગૌરવવંતા ગુજરાતની સંસ્કાર નગરી તરીકે વિખ્યાત વડોદરા સ્થિત પ્રતિષ્ઠિત બરોડા મ્યુઝિયમ અને પિક્ચર ગેલેરી મુકામે રાજ્યના સાંસ્કૃતિક વારસામાં અદ્ભૂત ઉમેરો કરનાર સંસ્કૃતિ કા સમન્વય 3D લાઈટ એન્ડ સાઉન્ડ શો કાર્યક્રમનું વિવિધ મહાનુભાવોની ઉપસ્થિતિમાં ઉદ્ઘાટન કર્યું હતું.
રાજ્યના ગૃહ મંત્રી હર્ષ સંધવીએ જણાવ્યું હતું કે, આ લાઈટ એન્ડ સાઉન્ડ શો માત્ર એક ટેક્નોલોજીકલ અજાયબી નથી, પરંતુ વડોદરાના સાંસ્કૃતિક વારસાનું વહન કરનાર અને લોક હૃદય પર અમીટ છાપ છોડનાર સ્વપ્નદ્રષ્ટા, કલાકારો અને અગ્રણીઓને સાચા અર્થમાં શ્રદ્ધાંજલિ છે.
બરોડા મ્યુઝિયમ અને પિક્ચર ગેલેરીની ઇમારત પર 22 મિનિટ લાંબો શો રજૂ કરવામાં આવશે. આ શોનું નામ સંસ્કારો કા સમન્વય છે. આ શો વડોદરાના ઈતિહાસ અને રોયલ ફેમિલી સ્ટોરીને ઓડિયો વીડિયો પ્રોજેક્શન દ્વારા લોકો સમક્ષ રજૂ કરે છે.
આ શોને બરોડા મ્યુઝિયમ, ગુજરાત સરકારના પુરાતત્વ અને સંગ્રહાલય અને રમતગમત, યુવા અને સાંસ્કૃતિક પ્રવૃત્તિઓ વિભાગના નિયામક દ્વારા તૈયાર કરવામાં આવ્યો છે.
Click it and Unblock the Notifications
Sign in with Google
