Vadodara: ટુ-વ્હીલર ચોરની ત્રિપુટી ઝડપાઇ, આ રીતે આપતી હતી અંજામ
Vadodara: દાહોદ પોલીસ દ્વારા ત્રણ અલગ-અલગ રાજ્યોમાં શ્રેણીબદ્ધ વાહન ચોરીઓમાં સંડોવાયેલી ગેંગનો પર્દાફાશ કરવામાં આવ્યો છે. જે ગેંગના સભ્યો મધ્યપ્રદેશના હતા, તે અન્ય કિંમતી વસ્તુઓની ચોરીમાં પણ સામેલ હતા.
દાહોદમાં ગુજરાત-મધ્ય પ્રદેશ બોર્ડર પર મિનાક્યાર ખાતે પોલીસ વાહનોનું ચેકિંગ કરી રહી હતી, ત્યારે આ સફળતા મળી હતી. દાહોદ પોલીસે બે મોટરસાયકલ પર સવાર ત્રણ વ્યક્તિઓને જોયા હતા, જેમની પાસે રજિસ્ટ્રેશન નંબર ન હતો.
ત્રણેયને રોકીને મોટરસાયકલ અંગે પૂછપરછ કરી હતી. જ્યારે તેઓ સંતોષકારક જવાબો આપી શક્યા ન હતા, ત્યારે પોલીસે પોકેટ કોપ એપ્લિકેશન પરના વાહનોની વિગતો તપાસતા તેમાંથી એક મોટરસાયકલ છોટા ઉદેપુર જિલ્લાના બોડેલીમાંથી ચોરાઈ હોવાનું જણાયું હતું.
ચોરાયેલી મોટરસાયકલ અંગેની જાણ થતાં પોલીસે વધુ પૂછપરછ હાથ ધરી હતી અને આરોપીઓએ પોલીસને વધુ બે ચોરેલી મોટરસાયકલો કે, જે તેમણે પાટિયાઝોલ ગામ નજીકના કોતરોમાં સંતાડી હતી. આ બંને મોટરસાયકલ પંચમહાલ અને જામનગર જિલ્લાના વ્યક્તિઓના નામે રજિસ્ટર કરવામાં આવી હતી.
ત્રણેય આરોપીઓએ આખરે કબૂલ્યું કે, તેઓ 41 ચોરીઓમાં સંડોવાયેલા હતા, જેમાંથી મોટાભાગની ચોરી વાહનોની હતી. પોલીસે જણાવ્યું હતું કે, તેઓએ રાજકોટ, વડોદરા, છોટા ઉદેપુર, દાહોદ અને ગુજરાતના અન્ય જિલ્લાઓ તેમજ એમપી અને રાજસ્થાનમાંથી વાહનોની ચોરી કરી હતી.
આરોપીઓની ઓળખ હીરાસિંગ બામણિયા, આપસિંગ બામણિયા અને સુનિલ બામણિયા તરીકે થઈ હતી. આ તમામ મધ્ય પ્રદેશમાં ધાર જિલ્લાના કુક્ષી તાલુકાના કરચટના રહેવાસી છે.
Click it and Unblock the Notifications
Sign in with Google
