તાઇવાનમાં ગેસ લીક થતા વિસ્ફોટ, 15ના મોત, 233 ઘાયલ

તાઇપેઇ, 1 ઑગસ્ટ: તાઇવાનના કાઓશિઉંગ શહેરમાં ગુરુવારે ગેસ લીક થવાના કારણે વિસ્ફોટમાં પાંચ ફાયર બ્રિગેડના અધિકારીઓ સહિત 15 લોકોના મોત થઇ ગયા, અને 233 અન્ય ઘાયલ થઇ ગયા. સમાચાર એજેન્સી સિન્હુઆના જણાવ્યા અનુસાર કાઓશિઉંગના મેયર ચેન ચૂએ જણાવ્યું કે હાલના દશકમાં આ પ્રકારની ખૂબ જ ખરાબ દુર્ઘટના છે.

દ્વીપના ફાયરબ્રિગેડ અધિકારીએ જણાવ્યું કે ગુરુવારે સવારે નવ વાગ્યાની આસપાસ શિયાનઝેનમાં ગેસ લીક થવાના સમાચાર મળ્યા, ત્યારબાદ ઘણા વિસ્ફોટ થયા, જેનાથી ત્રણ વર્ગ કિલોમીટરનો મોટો વિસ્તાર પ્રભાવિત થયો. દ્વિપના કાર્યકારી પ્રમુખ જિયાંગ યી-હુઆ એક ઇમરજન્સી પ્રતિક્રિયા કેન્દ્રમાં મળીને બચાવ અભિયાનનું સમન્વય કરી રહ્યા છે, જેણે શુક્રવારે સવારે અભિયાન શરૂ કરી દીધું.

બચાવ કાર્ય માટે દ્વિપની સેએ ઘટના સ્થળો પર 300થી વધારે સૈનિક બંદોબસ્તમાં ગોઠવ્યા છે. આની વચ્ચે, તાઇવાનના નેતા મા યિંગ-ઝિયાઉએ સંબંધિત અધિકારીઓ સાથે બચાવ કાર્યોમાં મદદ કરવાનો આગ્રહ કર્યો છે.

English summary

At least 15 people, including fire fighters, were killed and 233 injured in gas leak explosions that hit Taiwan's Kaohsiung city on Thursday.