સાઉથ આફ્રિકાઃ ફાર્મ માલિકે 15 હજાર મગર ઝૂમાંથી છોડી દીધા
જ્હોનિસબર્ગ, 25 જાન્યુઆરીઃ સાઉથ આફ્રિકાના એક ફાર્મમાંથી અંદાજે 15 હજાર જેટલા મગરને છોડી મુકવામાં આવતા, આસપાસના વિસ્તારને એલર્ટ કરવામાં આવ્યા છે. મગર છોડવા પાછળ ભારે વરસાદના પગલે આવેલા પૂર કારણભૂત હોવાનું ફાર્મના ઓનરે જણાવ્યું છે.
લોકલ પ્રેસના અહેવાલ અનુસાર, રાકવેના ક્રોકોડાઇલ ફાર્મના માલિકને ભારે વરસાદના કારણે પોતાના ફાર્મના દરવાજા ખોલવાની ફરજ પડી હતી. મોટા ભાગના મગરને પરત મેળવી લેવમા આવ્યા હતા, પરંતુ હજુ પણ અડધાથી ઉપર મગર લાપતા છે અને તે લિમ્પોપો નદીમાં હોવાનું માનવામાં આવી રહ્યું છે.
મગરોને પકડવા માટે સેના અને પોલીસકર્મીઓને કામે લગાડાયા છે. ઘણા સ્થાનિક લોકોએ પણ મોટર બોટનો ઉપયોગ કરીને પૂરમાં ફસાયેલા લોકોને સુરક્ષિત સ્થાન પર પહોંચાડાયા છે. જો કે, હજુ સધી મગર દ્વારા કોઇને ઘાયલ કરવામાં આવ્યા હોવાના અહેવાલ નથી.
Click it and Unblock the Notifications
Sign in with Google
