ઇજીપ્તઃ ટ્રેન દુર્ઘટનમાં 17ના મોત, 103ને ઇજા

કાહિરા, 15 જાન્યુઆરીઃ ઇજીપ્તમાં સેનાના યુવા પ્રશિક્ષુઓને લઇને જઇ રહેલી એક ટ્રેન પાટા પરથી ઉતરી જતા 17 લોકોના મોત નીપજ્યાં છે અને 103 લોકોને ઇજા પહોંચી છે. ઇજીપ્ના સ્વાસ્થ્ય મંત્રાલયના પ્રવક્તા અહમદ ઉમરે જણાવ્યું કે, સેનાની એક ટ્રેન રાજધાની કાહિરા તરફ જઇ રહી હતી ત્યારે બદ્રાશિન નજીક ગિઝામાં તે પાટા પરથી ઉતરી ગઇ હતી. જેમાં 17 લોકો માર્યા ગયા છે.

માહિતી અનુસાર ઇજાગ્રસ્તોને સારવાર અર્થે હોસ્પિટલમાં દાખલ કરવામાં આવ્યા છે. મૃતકો અંગે કોઇ જાણકારી આપવામાં આવી નથી. નોંધનીય છે કે, ઇજીપ્તમાં માર્ગ અને રેલવે સુરક્ષાનો રેકોર્ડ ઘણો જ ખરાબ છે. જનતાએ સરકાર પર આ વ્યવસ્થાઓની અનદેખીનો આરોપ લગાવવામાં આવ્યા છે.

ગત વર્ષના નવેમ્બર મહિનામાં સિંગ્નલ ઓપરેટરની ભૂલના કારણે બસ અને ટ્રેન વચ્ચે સર્જાયેલા અકસ્માતમાં 50 વિદ્યાર્થીઓના મોત નીપજ્યાં હતા. ત્યારે પરિવહનમંત્રીએ રાજીનામું આપવું પડ્યું હતું. ઉપરાંત 2002માં ટ્રેનમાં આગ લાગી જતા 360 મુસાફરોએ પોતાનો જવી ગુમાવ્યો પડ્યો હતો.

English summary

At least 19 people died and more than 100 were injured when two railroad passenger cars derailed just south of Cairo after midnight on Monday