Canadaમાં રહેતા વિદ્યાર્થીઓ માટે ચિંતાજનક સમાચાર, ટ્રુડોના એક નિર્ણયથી 7 લાખ વિદ્યાર્થીઓ થશે ઘરભેગા

canada visa policy: કેનેડા સરકારે આંતરરાષ્ટ્રીય વિદ્યાર્થી પરમિટની સંખ્યામાં ઘટાડો કરવાનો નિર્ણય લીધો છે. 2024માં સ્ટુડન્ટ પરમિટમાં 35%નો ઘટાડો કરવામાં આવશે અને 2025માં વધુ 10%નો ઘટાડો કરવાનો લક્ષ્યાંક છે. આ નીતિ ફેરફારોનો હેતુ વિદ્યાર્થીઓના સ્વાગત અને ઘરેલું આવાસ પડકારો વચ્ચે સંતુલન જાળવવાનો છે.

મે 2023 સુધીમાં કેનેડામાં 10 લાખથી વધુ વિદેશી વિદ્યાર્થીઓ હતા. જેમાંથી 396,235 પોસ્ટ-ગ્રેજ્યુએશન વર્ક પરમિટ ધરાવે છે. આ સંખ્યા 2018 કરતા ત્રણ ગણી વધારે છે. જો કે, મોટી સંખ્યામાં પોસ્ટ ગ્રેજ્યુએશન વર્ક પરમિટ આવતા વર્ષે સમાપ્ત થવાની તૈયારીમાં છે. જેના કારણે કાયમી વસવાટની આશા રાખતા વિદ્યાર્થીઓની મુશ્કેલીઓ વધી રહી છે.

વિદ્યાર્થીઓએ કર્યુ વિરોધ પ્રદર્શન

પંજાબના વિદ્યાર્થીઓએ નીતિ ફેરફારોનો વિરોધ કરીને બ્રેમ્પટનમાં પ્રદર્શન કર્યું છે. તેઓ માને છે કે આ ફેરફારો કેનેડામાં રહેવાની અને કાયમી નિવાસ મેળવવાની તેમની તકોને અસર કરી રહ્યા છે.

દાવાઓની પ્રક્રિયા ઝડપી બનાવાશે

ઇમિગ્રેશન પ્રધાન માર્ક મિલરે આશ્રયના દાવાઓની પ્રક્રિયા ઝડપી બનાવવા અને અવિવેકી અરજદારોને દૂર કરવાની યોજના જાહેર કરી છે. તેમણે કહ્યું કે કેટલાક કામચલાઉ રહેવાસીઓને પરમિટ રિન્યુઅલ અથવા અનુસ્નાતક વર્ક પરમિટ મળશે, જેનાથી તેઓ કેનેડામાં કામનો અનુભવ મેળવી શકશે.

50 લાખ વિદ્યાર્થીઓની પરમિટનો થશે અંત
કંઝર્વેટિવ નેતા પિયર પોઈલીવરે વડા પ્રધાન જસ્ટિન ટ્રુડોની નીતિઓની ટીકા કરતાં કહ્યું કે તેઓએ અસ્થાયી રહેવાસીઓમાં અનિશ્ચિતતા વધારી છે અને આવાસની અછતને સંબોધિત કરી નથી. સરકારે સંકેત આપ્યો છે કે અંદાજે 50 લાખ કામચલાઉ પરમિટ 2025ના અંત સુધીમાં સમાપ્ત થઈ જશે. આ અંતર્ગત મોટાભાગના ધારકો સ્વેચ્છાએ કેનેડા છોડે તેવી અપેક્ષા છે.