'અહીં શાંતિ છે, કોઇ બંધન નથી..' નસરુલ્લા સાથે લગ્ન બાદ અંજુએ પાકિસ્તાનના કર્યા વખાણ, જાણો શું કહ્યું?
ભારતીય મહિલા અંજુ આ દિવસોમાં તેના પાકિસ્તાની પ્રેમી નસરુલ્લા સાથે ઇસ્લામ અંગીકાર કર્યા બાદ લગ્ન કરવાને લઈને ચર્ચામાં છે. અંજુએ 23 જુલાઈએ પાકિસ્તાનમાં તેના ફેસબુક ફ્રેન્ડને મળવા માટે બોર્ડર ક્રોસ કરી હતી.
હવે અંજુ તેના એક નવા વીડિયોમાં પાકિસ્તાનના વખાણ કરતી જોવા મળી રહી છે. અંજુ અને નસરુલ્લાહનો એક નવો વીડિયો વાયરલ થયો છે, જેમાં તે પાકિસ્તાનની મજા માણતી અને પાકિસ્તાનના ખૈબર પખ્તુનખ્વા પ્રાંતના વખાણ કરતી જોવા મળી રહી છે.
નુમાન ખાન નામના બ્લોગરે રેકોર્ડ કરેલા 4 મિનિટના લાંબા વીડિયોમાં અંજુને પાકિસ્તાનની સુંદરતાના વખાણ કરતી બતાવવામાં આવી છે.
આ વિડિયોમાં અંજુ કહે છે, "સૌથી સારી વાત એ હતી કે અહીં કોઈ પ્રતિબંધ નથી. અહીં હું ખૂબ જ ખુશ છું અને મારી પાસે ઘણો ઓછો સમય છે. મને લાગે છે કે મારે ફરીથી અહીં આવવું જોઈએ. ખૂબ જ સકારાત્મક, મનની શાંતિ અને ખૂબ જ સુંદર જગ્યા. મને આ જગ્યા ખૂબ જ સુંદર લાગી. લોકો જે કહે છે એવું બિલકુલ નથી.
કોણ છે અંજુ?
રાજસ્થાનના ભિવડી જિલ્લાની પરિણીત ભારતીય મહિલા અંજુ અમૃતસર થઈને પાકિસ્તાન પહોંચી હતી. અંજુ બે બાળકોની માતા છે. અંજુ કિસ્તાનના ઉત્તર પશ્ચિમ ખૈબર પખ્તુનખ્વા પ્રાંતમાં નસરુલ્લાને મળવા ગઈ હતી. વર્ષ 2019માં અંજુ નસરુલ્લાને ફેસબુક દ્વારા મળી હતી.
પાકિસ્તાની મીડિયાએ અહેવાલ આપ્યો છે કે અંજુએ ઈસ્લામ ધર્મ અંગીકાર કરી લીધો છે અને તેના પાકિસ્તાની પ્રેમી નસરુલ્લા સાથે લગ્ન કરી લીધા છે.
Click it and Unblock the Notifications
Sign in with Google
