ભારતીય મહિલાને બનાવી ગુલામ, પછી કર્યો બળાત્કાર

બ્રિટેન, 17 મે : એકવાર ફરી માનવતા મરી પરવારી હોય તેવી શરમજનક ઘટના સામે આવી છે. બ્રિટનમાં રહેનાર બે મહિલાઓએ એક ભારતીય મહિલાને ગુલામ બનાવીને પોતાના ઘરમાં બંધ કરી દીધી અને તેની પાસે 16-16 કલાક સુધી કામ કરાવવામાં આવતું હતું.

આ બંને દોષી મહીલાઓના એક મિત્રએ 39 વર્ષીય પીડિત મહિલા સાથે બળાત્કાર પણ કર્યો. એટલું જ નહીં વ્યવસાયે કસાઇ એનકાર્તા બાલાપોવી નામના આ 54 વર્ષિય શખ્શે પોતાની પત્નીની પાછળ પોતાની શૈયા ગરમ કરવા માટે આ મહિલાને મજબૂર કરી. આ ત્રણેય દોષિયોને કોર્ટે સજા સંભળાવી છે.

આ ત્રણેયને સજા સંભળાવતા કોર્ટને માલૂમ પડ્યું કે બાલાપોવી મહિલા પાસે ભોજન બનાવડાવાની સાથે પોતાનું બધું કામ કરાવતી હતી. બાલાપોવીએ મહિલાને નગ્ન થઇને ડાન્સ કરવા અને કામોત્તેજક ક્રિયાઓ કરવા પર પણ મજબૂર કરી. જ્યારે મહિલાએ આનો વિરોધ કર્યો તો તેનો પાસપોર્ટ સળગાવી દેવાની ધમકી આપવામાં આવતી હતી.

ભારતીય મહિલા અભણ છે અને તે બ્રિટેનમાં આયા તરીકે કામ કરવા આવી હતી. મહિલાનો ભારતમાં રહેનાર પરિવાર ખૂબ જ ગરીબ છે. મહિલાને આશા હતી કે તે લંડનમાં કામ કરીને પોતાના પરિવારની ગરીબી દૂર કરી શકશે. પરંતુ તેને અત્રે શમીના, યૂસુફ અને શશિ ઓબરોયે બંધક બનાવી લીધી. જ્યારે પણ તે બચીને નીકળી જવાની કોશીશ કરતી તો તેને સળગાવવામાં આવતી. તેને સોઇ ભોંકવામાં આવતી, ગળુ કાપવાની ધમકી આપવામાં આવતી.

કોર્ટમાં આપવામાં આવેલ પીડિત મહિલાએ કહ્યું કે 'તેમણે મારી જીદંગીને નરક બનાવી દીધી છે, હું લાંબા સમયથી ડિપ્રેશનમાં રહી અને રાત્રિયો સુધી સુઇ નથી શકી. મારે રાત્રે સુવા માટે દવાઓનો સહારો લેવો પડતો હતો. આ લોકોએ મારી સાથે એટલું ખરાબ વર્તન કર્યું છે કે મને એવું લાગે છે તેઓ પાછા આવી જશે.'

English summary

An Indian woman was forced into modern-day slavery by two women who locked her indoors and forced her to work 16-hour days. The victim was also raped by the women's accomplice, 54-year-old butcher Enkarta Balapovi.