Balochistan attack : પાકિસ્તાનના બલૂચિસ્તાનમાં સેનાના કાફલા પર આતંકી હુમલો, 90 સૈનિકોના મોતનો દાવો
Balochistan attack : બલૂચિસ્તાન પ્રાંતમાં પાકિસ્તાની સેનાના કાફલા પર થયો આતંકી હુમલો થયો હોવાના અહેવાલ છે. આ હુમલામાં સાત જવાનો શહીદ થયા અને 21 ઘાયલ થયા છે.
આ હુમલો ક્વેટાથી લગભગ 150 કિલોમીટર દૂર નોશ્કી ખાતે થયો, જ્યારે સેનાનો કાફલો તફ્તાન તરફ જઈ રહ્યો હતો.
બલૂચ લિબરેશન આર્મીએ આ હુમલાની જવાબદારી લીધી છે અને દાવો કર્યો છે કે આ હુમલામાં 90 પાકિસ્તાની સૈનિકો માર્યા ગયા છે. જો કે, પાકિસ્તાની સેનાએ આ દાવાને ફગાવ્યો છે. બલૂચ લિબરેશન આર્મીના જણાવ્યા અનુસાર આ હુમલો તેમની મજીદ બ્રિગેડ દ્વારા યોજવામાં આવ્યો હતો.
પ્રાપ્ત માહિતી મુજબ, સેનાના કાફલા સાથે એક IED ભરેલું વાહન અથડાયું, જે આત્મઘાતી હુમલો હોવાનું માનવામાં આવે છે. નોશ્કી સ્ટેશનના SHO ઝફુરુલ્લાહ સુલેમાનીના જણાવ્યા પ્રમાણે વિસ્ફોટકથી ભરેલું વાહન સેનાની બસ સાથે ટકરાયું, જેના કારણે બસને ભારે નુકસાન થયું. હુમલાને પગલે પાકિસ્તાની સેનાએ હેલિકોપ્ટર અને ડ્રોન તૈનાત કર્યા છે.
આ હુમલાને પગલે પાકિસ્તાનની સરકાર અને સેનાએ ઈમરજન્સી બેઠક બોલાવી છે. સમગ્ર વિસ્તારમાં સર્ચ ઓપરેશન હાથ ધરવામાં આવ્યું છે. બલૂચિસ્તાનના મુખ્યમંત્રી સરફરાઝ બુગતીએ આ હુમલાની કડક નિંદા કરી છે.
માહિતી અનુસાર, હુમલામાં ઘાયલ થયેલા ઘણા જવાનોની સ્થિતિ ગંભીર છે, જેના કારણે મૃત્યુઆંક વધવાની શક્યતા વ્યક્ત કરવામાં આવી રહી છે. પાકિસ્તાની સેનાના પ્રવક્તાએ જણાવ્યું કે તે હુમલાની સંપૂર્ણ તપાસ કરી રહ્યા છે અને ગુનાહિત તત્વોને કડક પગલાં ભરવાની ચેતવણી આપી છે.
આ હુમલાને કારણે બલૂચિસ્તાનમાં સુરક્ષાની સ્થિતિ વધુ બગડવાની શક્યતા છે અને પ્રાંતમાં તણાવ વધી ગયો છે.
Click it and Unblock the Notifications
Sign in with Google
