બેંગકોક બ્લાસ્ટની Exclusive તસ્વીરો

બેંગકોક: થાઈલેન્ડની રાજધાની બેંગકોકમાં સોમવારે મોડી સાંજે થયેલા બોમ્બ બ્લાસ્ટમાં 16 લોકોના મોત થયા છે જ્યારે 30 લોકો ઘાયલ થયા છે. મળતી માહિતી અનુસાર આ બોમ્બ બ્લાસ્ટ બેંગકોકના ઈરાવન નામના એક હિંદુ મંદિર નજીક થયો હતો. આ મંદિર ભગવાન બ્રહ્માનો મઠ છે. આ મંદિરની મુલાકાતે અનેક પ્રવાસીઓ આવે છે.

મંદિરની નજીક જ એક ફાઈવ સ્ટાર હોટેલ છે. આ વિસ્તાર ઘણો ભીડ-ભાડ વાળો છે. આ બોમ્બ બ્લાસ્ટની કેટલીક તસ્વીરો અમારા વાંચક રાહુલ શાહી અને યુવરાજ શાહી દ્વારા બેંગકોકથી સીધી જ મોકલવામાં આવી છે. આ બંને યુવકો ભારતીય છે અને પાછલા ત્રણ વર્ષથી બેંગકોકમાં નોકરી કરે છે. બ્લાસ્ટના સમયે તેઓ ઘટનાસ્થળથી નજીકમાં જ હતા. આવો જોઈએ બ્લાસ્ટ બાદની તસ્વીરી સ્થિતિ

ભીડ-ભાડ વાળો વિસ્તાર

બ્લાસ્ટના સમયે કેટલાક પર્યટકો ઘટનાસ્થળે હતા. આ વિસ્તારમાં ભારતીયો મોટા પ્રમાણમાં હોય છે.

બ્લાસ્ટમાં કેટલીક મોટર સાઈકલ પણ બળી ગઈ

અનુમાન લગાવવામાં આવી રહ્યું છે કે બ્લાસ્ટ મોટર સાયકલ પર કરવામાં આવ્યો હતો. બ્લાસ્ટના કારણે 47 ગાડીઓનો કચ્ચરઘાણ થઈ ગયો હતો.

અહીં મોટા મોટા ત્રણ મોલ છે

સેન્ટ્રલ બેંગકોક સ્થિત આ મંદિર ભગવાન બહ્માનું છે. અહીં રોજેરોજ હજારો શ્રદ્ધાળુ આવે છે. આ મંદિર ત્રણે તરફથી મોટા મોટા શોપિંગ મોલથી ઘેરાયેલું છે.

રોડ-રસ્તાઓ પર મૃતદેહો

બ્લાસ્ટ એટલો ભયંકર હતો કે ગાડીઓ અને માણસોનો ખુરદો બોલાઈ ગયો હતો. આ વિસ્તારમાં ઠેર ઠેર માનવ અંગો ક્ષત વિક્ષત હાલતમાં પડ્યા હતા.

બ્લાસ્ટ બાદ આગ લાગી હતી

બ્લાસ્ટ બાદ આ વિસ્તારમાં આગ લાગી હતી જેના કારણે પણ ઘણું નુકસાન થયુ છે.

બ્લાસ્ટનું કારણ હજી સુધી નથી જાણવા મળ્યું

રાહત અને બચાવ કામગીરી પૂરજોશમાં ચાલી રહી છે. હજી સુધી બ્લાસ્ટનું કારણ નથી જાણવા મળ્યું.

English summary

Bangkok blast images: A bomb attack in central Bangkok has killed at least 15 people. Check Out, some exclusive photos of Bangkok blast.