બોસ્ટન વિસ્ફોટના આરોપીઓ ન્યૂયોર્કમાં પણ કરવાના હતા બ્લાસ્ટ

| Published: Friday, April 26, 2013, 13:35 [IST]

વોશિંગ્ટન, 26 એપ્રિલ: અમેરિકાના બોસ્ટન શહેરમાં મેરેથોન દરમિયાન વિસ્ફોટ કરનાર બે આરોપી સારાનેવ ભાઇઓએ ન્યૂયોર્કને પણ ઉડાવવાની યોજના બનાવી હતી પરંતુ આ પહેલા પોલીસના હાથ લાગી જવાના કારણે તેમની આ યોજના પાર પડી શકી નહીં. મામલાની તપાસ કરી રહેલા સૂત્રો અનુસાર સારાનેવ ભાઇયોએ ગયા સપ્તાહે બોસ્ટનમાંથી એક ડ્રાઇવર સહિત એક ગાડીનું અપહરણ કર્યું હતું.

તેમની યોજના સાત વિસ્ફોટક સહિત આ ગાડીને ન્યૂયોર્ક લઇ જવાની હતી, રસ્તામાં જેવા આ લોકો એક પેટ્રોલ પંપ પર રોકાયા, ગાડીનો ડ્રાઇવર ફરાર થઇ ગયો અને તેણે આ વાતની સૂચના પોલીસને આપી દીધી. ત્યારબાદ પોલીસે સારાનેવ ભાઇયોને ઘેરી લઇને ગોળીઓનો વરસાદ શરૂ કરી દીધો.

પોલીસની કાર્યવાહીમાં જોખાર ગંભીર રીતે ઘાયલ થઇ ગયો, જ્યારે તેનો ભાઇ તામેરલાનનું ઘટના સ્થળે જ મોત નીપજ્યું હતું. જોખારની સારવાર હોસ્પિટલમાં ચાલી રહી છે. આ દરમિયાન ચાલી રહેલી પોલીસ પૂછપરછમાં તેણે આ ખુલાસો કર્યો.