કેનેડામાં પૂરના કારણે લાખો લોકો બેઘર

કેલગેરી, 22 જૂનઃ એક તરફ ભારતમાં ઉત્તરના અનેક વિસ્તારોમાં ભારે વરસાદ અને તેના કારણે નદીઓમાં આવેલા પૂરથી તબાહી સર્જી છે, તો બીજી તરફ કેનેડામાં પણ વરસાદના કારણે આવેલા પૂરે વિનાશ વાળ્યો હોય તેવા સમાચાર આવી રહ્યાં છે. કેનેડાના કેલગેરી શહેર અને તેની આસપાસના વિસ્તારમાં અંદાજે 1 લાખ લોકો પૂરના કારણે બેઘર થયા હોવાના અહેવાલ મળી રહ્યાં છે.

પશ્ચિમી કેનેડામાં ભારે વરસાદના કારણે બો અને એલ્બો નદીઓમાં પાણીનું સ્તર વધ્યું છે અને જેના લીધે શાળાઓ બંધ કરી દેવામાં આવી છે. ડઝનેક હેલિકોપ્ટર્સમાં સેનાને મોકલવામાં આવી છે. ઘરોને ખાલી કરાવવા માટે 1200 સૈનિકોને મોકલવામાં આવ્યા છે.

કેલગેરીના મહાપૌર નશીદ નેંશીએ કાલે લોકોને પોતાનો સામાન એક્ત્ર કરીને અને વિસ્તારને ખાલી કરીને જવા માટે અપીલ કરી હતી. તેમણે લોકોને અમુક દિવસો માટે પોતાના ઘરોથી દૂર રહેવા માટે કહ્યું હતું. પોલીસે પણ આ વિસ્તારને ખાલી કરવાના આદેશ અંગે ગલીઓમાં જઇને લાઉડસ્પીકરમાં ઘોષણા કરી. શહેરના કેટલાક વિસ્તારોમાં વિદ્યુત આપૂર્તિ બાધિત થઇ ગઇ છે અને ઘણા રસ્તાઓ અને પૂલ બંધ થઇ ગયા છે.

English summary

The city of Calgary has become a no-go area with lacs people evacuated from their homes as floodwaters continue to rise.