''H1B વીઝાથી ભારતીય IT કંપનીઓને થશે નુકસાન''
આ સંશોધન ડ્રાફ્ટને કોંગ્રેસમાંથી મંજૂરી મળી જાય છે અને અમેરિકી રાષ્ટ્રપતિ સહી કરીને આને કાયદાના રૂપમાં લાવે છે તો કંપનીઓને એચ1બી વીઝા પ્રાપ્ત કરવા માટે વધારે ચાર્જ ચુકવવો પડશે. બોર્ડર સિક્યોરિટી ઇકોનોમિક ઓપરચ્યુનિટી એન્ડ ઇમિગ્રેશન મોર્ડેનાઇશન એક્ટ 2013ની 17 પૃષ્ઠવાળી રૂપરેખા અનુસાર એચ1બી પ્રણાલીનું ઉલ્લેખન કરનારા વિરૂદ્ધ અમેરિકા કાર્યવાહી કરશે.
વિધેયકના ડ્રાફ્ટ અનુસાર જો નોકરીએ રાખનાર પાસે 50 કે તેનાથી વધુ કર્મચારી હોય અને તેની પાસે 30 ટકાથી વધુ પરંતુ 50 ટકાથી ઓછા એચ1બી અથવા એલ1 કર્મચારી હોય ( જેની ગ્રીનકાર્ડ માટેની અરજી પેન્ડીંગ ના હોય) તો નોકરીએ રાખનારે આ બંને સ્થિતીઓમાંથી એકમાં 5,000 ડોલર પ્રતિ વધારાના કર્મચારી આ ચાર્જ ચુકવવો પડશે.
જો એમ્પ્લોયર પાસે 50થી વધુ કર્મચારી હોય અથવા કર્મચારીઓમાં 50 ટકાથી વધુ એચ1બી અથવા એલ1 કર્મચારી હોય, જેમની ગ્રીન કાર્ડ માટેની અરજી પેન્ડીંગ ના હોય તો કંપનીઓએ આ બંને સ્થિતીઓમાંથી એકમાં દરેક વધારાના કર્મચારી માટે 10,000 ડોલરનો વધારાનો ચાર્જ ચુકવવો પડશે. આ પ્રમાણે ટીસીએસ, વિપ્રો અને ઇન્ફોસીસ જેવી મોટી ભારતીય કંપનીઓને પ્રત્યેક વધારાના એચ1બી કર્મચારી માટે 10,000 ડોલર ચુકવવા પડશે.