Donald Trump Laura Loomer News : કોણ છે મુસ્લિમો વિરૂદ્ધ ઝેર ઓકતી ડોનાલ્ડ ટ્રમ્પની કથિત ગર્લફ્રેન્ડ લૌરા લૂમર?
Donald Trump Laura Loomer News : અમેરિકાના પ્રેસડેન્ટની ચૂંટણીમાં ડોનાલ્ડ ટ્રમ્પ કોઈને કોઈ કારણે વિવાદમાં રહે છે. હવે તેમનું નામ એક યુવતી સાથે જોડાઈ રહ્યું છે.
પોર્ન સ્ટાર સ્ટોર્મી ડેનિયલ્સ સાથે કથિત સંબંધોને કારણે પહેલાથી જ મુશ્કેલીમાં ફસાયેલા અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના રાષ્ટ્રપતિની ચૂંટણી પહેલા અન્ય યુવતી સાથેના તેમના અફેરની ચર્ચાએ અમેરિકાનું રાજકારણ ગરમાવ્યુ છે.
5 નવેમ્બરે રાષ્ટ્રપ્રમુખની ચૂંટણી પહેલા સ્થિતિ એ સ્તરે પહોંચી ગઈ છે કે ડોનાલ્ડ ટ્રમ્પે લૌરા લૂમરને લઈને કહ્યું છે કે, ઘણા લોકોની જેમ લૌરા લૂમર પણ મારી સમર્થક છે અને હું તેના પર નિયંત્રણ રાખતો નથી. તે જે પણ કહે છે તે કહે છે. તેણીની ઇચ્છા મુજબ અને તેણી જે ઇચ્છે તે કહી શકે છે.
રિપબ્લિકન નોમિની અને પૂર્વ રાષ્ટ્રપતિ ડોનાલ્ડ ટ્રમ્પના લૌરા લૂમર સાથેના સંબંધો પાર્ટીમાં વિવાદ પેદા કરી રહ્યા છે. અહેવાલો અનુસાર, રિપબ્લિકન પાર્ટીના અંદરના લોકો 11 સપ્ટેમ્બરની રાષ્ટ્રપતિની ચર્ચા અને 9/11 હુમલા માટે સ્મારક સેવા માટે ડોનાલ્ડ ટ્રમ્પના વિમાનમાં લૂમરની હાજરીથી નાખુશ છે.
31 વર્ષીય લૌરા લૂમર તેની જમણેરી વિચારધારા અને ઓનલાઈન હાજરીને કારણે ઘણીવાર હેડલાઈન્સમાં રહે છે. તેણીના મંતવ્યો વારંવાર વિવાદ સર્જે છે. તેણીએ વર્ષોથી જાતિવાદી, ઇસ્લામોફોબિક, હોમોફોબિક અને લૈંગિક ટિપ્પણીઓ સહિત અનેક વિવાદાસ્પદ ટિપ્પણીઓ કરી છે. ધ ન્યૂ યોર્ક ટાઈમ્સ અનુસાર, તેણે એકવાર ઈસ્લામને કેન્સર ગણાવ્યો છે અને "#proudislamophobe હેશટેગનો ઉપયોગ કર્યો હતો.
આ ઉપરાંત તે ભૂમધ્ય સમુદ્ર પાર કરતા સ્થળાંતર કરનારાઓના મોતનું સેલિબ્રેશન કરતી પણ જોવા મળી હતી. લૌરા લૂમરે કમલા હેરિસ વિશે ટિપ્પણી કરતા કહ્યું હતું કે જો કમલા હેરિસ પ્રેસિડેન્ટ બનશે તો વ્હાઇટ હાઉસમાં કરીની ગંધ આવશે. તેનો ઈશારો ભારતીય હોવા તરફ હતો.
અમેરિકા સહિતના પશ્ચિમી દેશોમાં કરીની ઓળખ ભારત સાથે જોડાયેલી છે અને તેમનું નિવેદન સંપૂર્ણપણે જાતિવાદી હતું, જેને ડેમોક્રેટિક પાર્ટી તેમજ રિપબ્લિકન પાર્ટીના ઘણા નેતાઓએ વખોડી કાઢ્યું હતું.
2018 માં તત્કાલિન ટ્વિટર અને હાલના એક્સે લૌરા લૂમરને તેની વારંવારની મુસ્લિમ વિરોધી પોસ્ટ માટે પ્રતિબંધિત કરી હતી. વિરોધમાં તેણીએ કંપનીના ન્યૂયોર્ક હેડક્વાર્ટરની સામે પોતાની જાતને હાથકડી પહેરાવી અને ડેવિડનો પીળો સ્ટાર પહેર્યો હતો, જે નાઝીઓએ હોલોકોસ્ટ દરમિયાન યહૂદીઓને પહેરવાની ફરજ પાડી હતી.
આ પછી એલોન મસ્કએ X હસ્તગત કર્યું ત્યારે તેનું એકાઉન્ટ ફરીથી સક્રિય થયું અને હવે તેના 1.2 મિલિયન અનુયાયીઓ છે.
2020 માં લૂમરે ફ્લોરિડાના 21મા કોંગ્રેસનલ ડિસ્ટ્રિક્ટ માટે રિપબ્લિકન પ્રાઈમરી જીતી હતી. સામાન્ય ચૂંટણીમાં હાર્યા છતાં ટ્રમ્પે તેમને ક્રિસમસની શુભેચ્છા પાઠવી હતી. બે વર્ષ પછી તેમણે પ્રાથમિકમાં પ્રતિનિધિ ડેનિયલ વેબસ્ટરને અસફળ રીતે પડકાર્યો. 2021 થી લૂમરે ઓછામાં ઓછા નવ વખત ટ્રમ્પના માર-એ-લાગો રિસોર્ટની મુલાકાત લીધી છે.
2023માં ટ્રમ્પ પ્રમુખપદની ઝુંબેશમાં લૂમરની નિમણૂક કરવાની યોજના હતી પરંતુ રિપબ્લિકન પાર્ટીમાં આંતરિક વિરોધને કારણે તેને ટીમમાં સ્થાન મળ્યું નથી. સત્તાવાર રીતે તેમની રાજકીય કામગીરીનો ભાગ ન હોવા છતાં લૂમર દાવો કરે છે કે ટ્રમ્પ તેમની બિનશરતી વફાદારી ને પાત્ર છે.
ડોનાલ્ડ ટ્રમ્પ સાથે લૂમરના જોડાણે રિપબ્લિકન પાર્ટીના અંદરના લોકોમાં સ્વિંગ રાજ્યોમાં તેના સંભવિત પ્રભાવ વિશે ચિંતા ઊભી કરી છે. કેટલાક સહાયકોને ચિંતા છે કે આ સંબંધોને કારણે તેમને મતનું નુકસાન થઈ શકે છે.
Click it and Unblock the Notifications
Sign in with Google
