એર્દોગન બન્યા તુર્કીના રાષ્ટ્રપતિ, અમેરિકા-ફ્રાંસ સહિત દુનિયાભરના નેતાઓએ આ રીતે પાઠવ્યા અભિનંદન

Erdogan Turkey President: એર્દોગન તુર્કીના નવા રાષ્ટ્રપતિ બન્યા. રેસમાં મોટા પડકાર હોવા છતાં તેઓ જીતવામાં સફળ રહ્યા હતા. વિશ્વભરના નેતાઓએ તુર્કીના રાષ્ટ્રપતિ રેસેપ તૈયપ એર્દોગનને ઐતિહાસિક જીત બદલ અભિનંદન પાઠવ્યા છે. 20 વર્ષથી સત્તા પર રહેલા એર્દોગન માટે આ જીત સરળ રહી નથી.

એર્દોગને 52.14 ટકા મત સાથે તુર્કીનું પ્રમુખપદ જીત્યું, સુપ્રીમ ચૂંટણી પરિષદના વડા, અહમેટ યેનેરે, રવિવારે ચૂંટણી પરિણામોની સત્તાવાર જાહેરાત કરી. ચૂંટણી પરિષદના વડા અહેમત યેનેરે જણાવ્યું હતું કે 99.43 ટકા મતપેટીઓ ખુલી છે.

એર્દોગનના પ્રતિસ્પર્ધી કેમલ કિલિકડારોગ્લુને કુલ મતદારોના 47.86 ટકા મત મળ્યા હતા. તેમણે કહ્યું કે ઉમેદવારો વચ્ચે 20 લાખથી વધુ મતોનો તફાવત હતો. જેના કારણે જીત અને હાર વચ્ચેનો તફાવત સ્પષ્ટ હતો.

દેશ-વિદેશમાં 64 મિલિયનથી વધુ તુર્કી મતદારો ધરાવતી આ ચૂંટણીમાં એવા ઘણા મુદ્દા હતા જે એર્દોગન માટે મુશ્કેલ પડકાર બની ગયા હતા, પરંતુ એર્દોગન જીતવામાં સફળ રહ્યા હતા. ઑક્ટોબરમાં 85 ટકાની ફુગાવો અને ફેબ્રુઆરીમાં આવેલા ધરતીકંપો કે જેમાં 50,000થી વધુ લોકો માર્યા ગયા જેવા મુદ્દાઓ મુખ્ય હતા.

69 વર્ષીય એર્દોગન 2003માં સત્તામાં આવ્યા હતા. શરૂઆતમાં વડા પ્રધાન તરીકે તેમણે તેમના ન્યાય અને વિકાસ પક્ષને વિસ્તારવાનું વચન આપ્યું હતું. નાટોના સભ્ય તુર્કીના સૌથી લાંબા સમય સુધી પ્રમુખ રહેલા એર્દોગન પ્રથમ વખત ચૂંટણીમાં આટલા પડકારનો સામનો કરી રહ્યા હતા.

ઓટ્ટોમન રિપબ્લિકના 100 વર્ષ પછીના ઈતિહાસમાં આ ચૂંટણી પરિણામ સૌથી વ્યાપક માનવામાં આવતું હતું. એર્દોગનના હરીફ કિલિકડારોગ્લુએ કહ્યું, "મારું અસલી દુઃખ દેશની રાહ જોઈ રહેલી મુશ્કેલીઓ વિશે છે." એર્દોગનની જીત પર વિશ્વના નેતાઓએ શું કહ્યું? અહીં જાણો.

અમેરિકી રાષ્ટ્રપતિ

જો બાઈડેન અને અમેરિકી રાજદ્વારી એન્ટની બ્લિંકને એર્દોગનને તેમની જીત પર અભિનંદન પાઠવ્યા હતા. બાઈડેને એક ટ્વિટમાં જણાવ્યુ હતુ કે, 'હું દ્વિપક્ષીય મુદ્દાઓ અને શેર કરેલ વૈશ્વિક પડકારો પર નાટો સહયોગી તરીકે સાથે મળીને કામ કરવાનું ચાલુ રાખવા માટે આતુર છુ.'

રાષ્ટ્રપતિ પુતિને શું કહ્યું

રશિયન રાષ્ટ્રપતિ વ્લાદિમીર પુતિને કહ્યું કે એર્દોગનની જીત એ પુરાવો છે કે તુર્કીના લોકોએ તેમના "નિઃસ્વાર્થ કાર્ય" અને સ્વતંત્ર વિદેશ નીતિને સમર્થન આપ્યું હતું. આ વિજય તમારા પ્રયાસોને તુર્કીના લોકોના સમર્થનનો સ્પષ્ટ પુરાવો છે.

યુક્રેનના રાષ્ટ્રપતિએ શું કહ્યું?

રાષ્ટ્રપતિ વોલોડિમિર ઝેલેન્સકીએ એર્દોગનને તેમની જીત બદલ અભિનંદન પાઠવ્યા હતા. તેમણે કહ્યું કે તેઓ "આપણા દેશોના લાભ માટે વ્યૂહાત્મક ભાગીદારીને મજબૂત બનાવવાની સાથે સાથે યુરોપની સુરક્ષા અને સ્થિરતા માટે સહયોગને મજબૂત બનાવવાની" આશા રાખે છે.

જર્મનીએ શું કહ્યું?

ચાન્સેલર ઓલાફ સ્કોલ્ઝે કહ્યું કે, 'જર્મની અને તુર્કીના લોકો અને અર્થવ્યવસ્થાઓ ઉંડાણથી જોડાયેલા છે. સાથે મળીને અમે અમારા સામાન્ય કાર્યસૂચિને નવી ગતિ સાથે આગળ વધારવા માંગીએ છીએ!'

ફ્રાન્સના પ્રમુખ

ઇમેન્યુઅલ મેક્રોને જણાવ્યું હતું કે, 'એર્દોગને તુર્કીમાં રેકોર્ડ વિજય મેળવ્યા પછી ફ્રાન્સ અને તુર્કી આગળ વધવાનું ચાલુ રાખશે", જે યુરોપ, યુરો-એટલાન્ટિક જોડાણ અને ભૂમધ્ય સમુદ્રમાં શાંતિની પુનરાગમન માટે મહત્વપૂર્ણ છે.'

યુકેના પીએમએ શું કહ્યું

આ દેશો ઉપરાંત સાઉદી અરેબિયા, કતારના અમીર શેખ તમીમ બિન હમાદ અલ થાની, યુરોપિયન યુનિયનએ પણ તુર્કીના રાષ્ટ્રપતિને જીત માટે અભિનંદન પાઠવ્યા હતા. આ સિવાય બ્રિટનના પીએમએ પણ એર્દોગનને અભિનંદન પાઠવ્યા હતા.

વડા પ્રધાન ઋષિ સુનકે જણાવ્યુ હતુ કે, 'તેઓ યુકે અને તુર્કી વચ્ચે "નાટોના ભાગીદારો તરીકે સુરક્ષા જોખમોનો સામનો કરવા" સહિત "મજબૂત સહકાર" ચાલુ રાખવાની રાહ જુએ છે.'

English summary

Erdogan became the President of Turkey, Leaders from all over the world congratulated in this way