કાઠમંડુથી દુબઈ જઈ રહેેલી ફ્લાઈટના એન્જિનમાં આગ, સુરક્ષિત લેન્ડિંગ કરાયુ

By Desk

Published: Monday, April 24, 2023, 22:52 [IST]

વધુ એક ફ્લાઈટ દુર્ઘટનાગ્રસ્ત થઈ હોવાના અહેવાલ છે. સમાચાર અનુસાર, નેપાળના કાઠમંડુથી દુબઈ જઈ રહેલી ફ્લાઈટના એન્જિનમાં આગ લાગતા ફ્લાઈટનુ ઈમરજન્સી લેન્ડિંગ કરવાની ફરજ પડી હતી.

આ મુદ્દે માહિતી આપતા નેપાળ સિવિલ એવિએશન ઓથોરિટીએ જણાવ્યું કે, ફ્લાય દુબઈની ફ્લાઈટ 576 (બોઈંગ 737-800) સુરક્ષિત રીતે લેન્ડ કરાવાઈ છે. આ ફ્લાઈટ કાઠમંડુથી દુબઈ જઈ રહી હતી. કાઠમંડુ એરપોર્ટ પર હવે સ્થિતી સામાન્ય છે.

નેપાળના પર્યટન મંત્રી અનુસાર, કાઠમંડુ એરપોર્ટ પરથી ટેકઓફ કરતી વખતે દુબઈના પ્લેનમાં કથિત રીતે આગ લાગી હતી તેને હવે દુબઈ મોકલી દેવામાં આવી છે. દુબઈ જઈ રહેલી આ ફ્લાઈટમાં 20 નેપાળી અને 49 વિદેશી નાગરિકો સવાર હતા.

સૂત્રો અનુસાર, આ ફ્લાય દુબઈ એરક્રાફ્ટના એન્જિનમાં રાત્રે 9 વાગ્યાની આસપાસ આગ લાગી હતી. જે બાદ એરપોર્ટ પર હંગામો સર્જાયો હતો. ત્યારબાદ ફાયર વિભાગના વાહનો સ્થળ પર પહોંચ્યા હતા.

ત્રિભુવન એરપોર્ટ પ્રમુખ પ્રતાપ બાબુ તિવારીના હવાલાથી સુત્રોએ જણાવ્યુ કે, ફ્લાઈ દુબઈએ ફ્લાઈટ ઉપડતા જ ઈમરજન્સી જાહેર કરી હતી અને હવે તેના સ્થિતી સામાન્ય છે. ફ્લાઈટને ઉડાન ચાલુ રાખવા માટે સૂચના આપવામાં આવી છે. દુબઈ જઈ રહેલા વિમાનમાં આકાશમાં વિસ્ફોટ થયો હતો અને આગ લાગી હતી.

Published On April 24, 2023