3 દિવસથી ગુમ ભાગેડુ મેહુલ ચોક્સી પકડાયો, આ દેશમાં છૂપાઈને બેઠો હતો

ભારતનો ભાગેડુ હીરા વેપારી મેહુલ ચોક્સી મળી ગયો છે. જાણો ક્યાંથી પકડાયો.

Updated: Thursday, May 27, 2021, 10:31 [IST]

રોએઉઃ ભારતનો ભાગેડુ હીરા વેપારી મેહુલ ચોક્સી મળી ગયો છે. એંટીગુઆથી અચાનક ગુમ થયેલ ભાગેડુ વેપારી મેહુલ ચોક્સી પડોશી દેશ ડોમિનિકાથી ધરપકડ થઈ છે. જ્યાંથી પાછો તેને એંટીગુઆ લાવવાની તૈયારી કરવામાં આવી રહી છે. તેને ડોમિનિકાના ક્રિમિલન ઈન્વેસ્ટીગેશન ડિપાર્ટમેન્ટે પકડ્યો છે. હવે એંટીગુઆ પોલિસ તરફથી પણ ડોમિનિકા પ્રશાસનનો સંપર્ક સાધવામાં આવ્યો છે.

ભાગેડુ મેહુલ ચોક્સી કેરેબિયન ટાપુ એંટીગુઆથી 23 મેએ રવિવારથી ફરાર થઈ ગયો હતો. તેની પાસે કેરેબિયન દેશની નાગરિકતા પણ હતી. એંટીગુઆ પોલિસે એક નિવેદનમાં જણાવ્યુ હતુ કે મેહુલ ચોક્સીને છેલ્લે રવિવારે તેની કારમાં જોયો હતો. પોલિસે સર્ચ ઑપરેશન હાથ ધર્યુ હતુ અને કાર મળી હતી પરંતુ ચોક્સી વિશે કંઈ જાણવા મળ્યુ નહોતુ. મેહુલ ચોક્સીના વકીલે કહ્યુ હતુ કે તે રવિવારથી ગાયબ છે.

તમને જણાવી દઈએ કે છેલ્લા ઘણા દિવસોથી મેહુલ ચોક્સી એંટિગા અને બર્બુડા ટાપુ પરથી ગુમ થયાના અહેવાલ હતા. ડોમિનિકા કેરેબિયન એક ટાપુ છે. એંટીગા પોલિસે તેને શોધવા માટે ઈન્ટરપોલની મદદ માંગી હતી. બાદમાં ઈન્ટરપોલે મેહુલ ચોક્સી વિરુદ્ધ યલો કૉર્નર નોટિસ બહાર પાડી હતી અને છેવટે તે પકડાયો હતો. તે ઘણા સમયથી એંટીગામાં રહેતો હતો. મેહુલ ચોક્સીએ દાવો કર્યો છે કે તેનો ક્લાયન્ટ એંટીગુઆનો નાગરિક છે માટે સ્થાનિક લોકોને મળતા બધા અધિકારો તેને મળેલા છે.