ગઝલ ગાયક ગુલામ અલીના ઘરમાં લાખોની લૂટ

ઇસ્લામાબાદ, 16 ઓક્ટોબર: પાકિસ્તાનમાં ગઝલ ગાયક ગુલામ અલીના ઘરે સોમવારે રાત્રે લુટારૂંઓ લાખોના દાગીના અને રોકડ રકમ લઇને ફરાર થઇ ગયા હતા. જ્યારે આ ઘટના ઘટી ત્યારે ગુલામ અલી ઘરમાં હાજર ન હતા પરંતુ તેમનો આખો પરીવાર ઘરમાં જ હતો. લુટારૂંઓ આખરે સાત લાખના દાગીના અને રોકડ રકમ લઇને ફરાર થઇ ગયા હતા.

આ ઘટના સોમવારની મોડી રાતની છે જ્યારે ચાર બંદૂકધારી એક સફેદ કારથી ઉતરીને જબરદસ્તી તેમના લાહોરના ડિફેન્સ બ્લોકમાં આવેલા ઘરમાં ઘૂસી ગયા હતા. લુટારૂંઓએ હથિયારોથી ડરાવી આખા પરિવારને બંધક બનાવી લૂંટ ચલાવી છે.

ગુલામના ભાઇ આશિક અલીએ જણાવ્યું કે લુંટારૂઓ લગભગ સાત લાખથી પણ વધારેની કિમતના દાગીના અને રોકડ રકમ લૂંટી ગયા છે. તેમણે જણાવ્યું કે લુંટારૂઓએ બધાને ચાર કલાક સુધી ગોંધી રાખ્યા હતા. તેમણે ઘરનો એક એક ખૂણો ફેંદી નાખ્યો તેમને જે કઇ કિમતી લાગ્યું તેને એક કારમાં નાખીને લઇ ગયા.

ગુલામ અલીના ઘરે બનેલી આ ઘટનાના કારણે પાકિસ્તાનની અન્ય મોટી હસ્તીઓમાં રોષની લાગણી પ્રસરી છે.

English summary

Pakistani famous Ghazal singer Ghulam Ali house late on Monday looted armed dacoits here in Lahore.