ફ્લોરિડામાં ખાબક્યું ઈતિહાસનું સૌથી ભયંકર હરિકેન મિલ્ટન
અમેરિકા પર કુદરતી આફતનો કહેર વરસ્યો છે, ઈતિહાસનું સૌથી ભયંકર હરિકેન મિલ્ટન અમેરિકાના ફ્લોરિડીના તટ પર ટકરાયું છે. દરિયા કાંઠે ટકરાતાની સાથે જ સાયક્લોન થોડું નબળું પડ્યું છે, છતાં મોટાં નુકસાનનો ખતરો હજી ટળ્યો નથી. નેશનલ હરિકેન સેંટરનું કહેવું છે કે ઓરલાંડો શહેરથી મિલ્ટન માત્ર 120 કિમી દૂર છે. વાવાઝોડાની ગતિ 165 કિમી પ્રતિ કલાકે ફુંકાઇ રહી છે.
ઉલ્લેખનીય છે કે તટ પર સાયક્લોન ખાબક્યા પછી તેની ગતિ ધીમી પડી ગઈ છે, અને વાવાઝોડું ટકરાયાના 90 મિનિટ પછી તેના ખતરાના સ્તરને ઘટાડી કેટેગરી 2 કરી દેવામાં આવી છે. હરિકેન મિલ્ટનની તીવ્રતા ઘટી છે પરંતુ તેમાં જાનમાલને ક્ષતિ પહોંચાડવાની આશંકા બનેલી છે.
11 લાખ લોકો અંધકારમાં
મળી રહેલી માહિતી મુજબ આગામી થોડા દિવસોમાં આ તોફાન મિલ્ટન અટલાંટિક તરફ આગળ વધીને કમજોર થઇ જશે. ફ્લોરિડાના તટ પર વાવાઝોડું ટકરાતાની સાથે જ તેજ પવન અને ભારે વરસાદ થવા લાગ્યો છે. જેને પગલે નેશનલ વેધર સર્વિસે ફ્લોરિડામાં પૂર જેવી સ્થિતિ સર્જાવાની ચેતવણી પણ આપી છે. સમગ્ર ફ્લોરિડામાં ભીષણ વરસાદની ચેતવણી આપવામાં આવી છે. તોફાનને કારણે ફ્લોરિડામાં જનજીવન અસ્ત વ્યસ્ત થઇ ગયું છે. આની સાથે જ વીજળી ગુલ થઇ ગઈ હોવાથી 11 લાખથી વધુ લોકો અંધકારમાં ગરકાવ થઇ ગયા છે. નોર્થ કેરોલિનામાં ચક્રવાતી તોફાન હેલેનને કારણે આવેલ પૂરને પગલે 70 હજાર લોકો હજી પણ વીજળીથી વંચિત છે.
Click it and Unblock the Notifications
Sign in with Google
