બ્રિટનના પીએમ ઋષિ સુનક વિરૂદ્ધ તપાસ શરૂ, જાણો શું છે પુરો મામલો?
બ્રિટનના વડાપ્રધાન ઋષિ સુનક ખરાબ રીતે ફસાયા છે. હવે તેમની સામે સંસદીય તપાસ શરૂ થઈ છે. સુનક પર આરોપ છે કે તેમણે જાણીજોઈને તેની પત્નીની ફર્મને ફાયદો કરાવવા નિયમો બનાવ્યા અને તેના વિશે માહિતી છુપાવી. આ મુદ્દે વિપક્ષો લાંબા સમયથી તપાસની માંગ કરી રહ્યા હતા.
અહેવાલો અનુસાર, ઋષિ સુનકની પત્ની અક્ષતા મૂર્તિ એક ચાઈલ્ડ કેર ફર્મમાં ઈન્વેસ્ટર છે. આશંકા છે કે ઋષિએ બાળકોની સંભાળની નવી યોજના રજુ કરતા આપેલા હિતોની ઘોષણામાં નિયમોનું ઉલ્લંઘન કર્યું છે.કમિશનર ડેનિયલ ગ્રીનબર્ગે ગયા સપ્તાહે ગુરુવારે આ તપાસ શરૂ કરી છે.
કમિશનરની વેબસાઈટમાં જણાવાયું છે કે, આ તપાસ આચાર સંહિતાના ફકરા 6 સાથે સંબંધિત છે. આ આચારસંહિતા જણાવે છે કે પીએમ સુનકે ગૃહ અથવા તેની સમિતિઓની કોઈપણ કાર્યવાહીમાં કોઈપણ સંબંધિત ઈન્ટ્રસ્ટ જાહેર કરવા હંમેશા ખુલ્લા અને નિખાલસ હોવા જોઈએ.
સુનકના પત્ની અક્ષતા મૂર્તિ કોરુ કિડ્સમાં શેરહોલ્ડર તરીકે લિસ્ટેડ છે, જે 6 ખાનગી બાળ સંભાળ પ્રદાતાઓમાંની એક છે. સુનક પર આરોપ છે કે તેમણે પોતાના બજેટમાં જાહેર કરેલી પોલિસીથી પરિવારના સભ્યને ફાયદો થઈ રહ્યો છે તેની સંપૂર્ણ માહિતી નથી આપી.
અહીં તમને જણાવી દઈએ કે, સુનકની પાયલોટ સ્કીમ હેઠળ લોકોને ચાઈલ્ડ માઇન્ડર બનવા માટે પ્રોત્સાહન આપવામાં આવશે. આ 1200 પાઉન્ડ તે લોકોને આપવામાં આવશે જે એજન્સી દ્વારા આ યોજનામાં કામ કરશે.
28 માર્ચે ઋષિ સુનકે બાળ સંભાળમાં ફેરફાર વિશે સંપર્ક સમિતિ સમક્ષ બોલતી વખતે તેની પત્નીની રુચિઓનો ઉલ્લેખ કર્યો ન હતો. હવે આ મામલે તપાસ શરૂ થઈ છે.
Click it and Unblock the Notifications
Sign in with Google
