શું ચીન ખરેખર ચંદ્ર પર કબ્જો કરવાની તૈયારી કરી રહ્યું છે? જાણો શું છે પુરી બબાલ?
ચીને યુએસ સ્પેસ ચીફના દાવાને ફગાવી દીધા છે કે બેઇજિંગ તેના લશ્કરી અવકાશ કાર્યક્રમના ભાગ રૂપે ચંદ્રના અધિગ્રહણ પર વિચાર કરી શકે છે અને વોશિંગ્ટન પર અવકાશને યુદ્ધક્ષેત્ર બનાવવાનો પ્રયાસ કરવાનો આરોપ મૂક્યો છે.
નવી દિલ્હી : ચીને યુએસ સ્પેસ ચીફના દાવાને ફગાવી દીધા છે કે બેઇજિંગ તેના લશ્કરી અવકાશ કાર્યક્રમના ભાગ રૂપે ચંદ્રના અધિગ્રહણ પર વિચાર કરી શકે છે અને વોશિંગ્ટન પર અવકાશને યુદ્ધક્ષેત્ર બનાવવાનો પ્રયાસ કરવાનો આરોપ મૂક્યો છે.
બિલ નેલ્સને ઈન્ટરવ્યુમાં આ માહિતી આપી હતી
નાસાના એડમિનિસ્ટ્રેટર બિલ નેલ્સને જર્મન અખબાર બિલ્ડને એક ઇન્ટરવ્યુમાં જણાવ્યું હતું કે વિશ્વએ ચીન વિશે ખૂબ જ ચિંતિત હોવું જોઈએ, કારણ કે તે સંભવિત રીતે 'ચંદ્ર પર ઉતરશે અને કહેશે કે તે હવે અમારું છે, તમે બહાર રહો'.
ચીને વિરોધ નોંધાવ્યો
ચીનના વિદેશ મંત્રાલયના પ્રવક્તા ઝાઓ લિજિયાને સોમવારે આરોપો પર પ્રતિક્રિયા આપતા કહ્યું કે, આ પહેલીવાર નથી જ્યારે યુએસ નેશનલ એરોનોટિક્સ એન્ડ સ્પેસ એડમિનિસ્ટ્રેશનના વડાએ તથ્યોની અવગણના કરી હોય અને ચીન વિશે બેજવાબદારીભર્યું વલણ દર્શાવ્યું હોય. યુએસ પક્ષે ચીનના સામાન્ય અને વાજબી બાહ્ય અવકાશ પ્રયાસો સામે અવિરતપણે અભિયાન ચલાવ્યું છે અને ચીન આવી બેજવાબદાર ટિપ્પણીનો સખત વિરોધ કરે છે.
ચીનનો દાવો
તેમણે દાવો કર્યો હ કે ચીન હંમેશા શસ્ત્રો બનાવવાની વિરુદ્ધમાં છે અને તેણે બાહ્ય અવકાશમાં માનવતા માટે એક સામાન્ય ભવિષ્યને પ્રોત્સાહન આપ્યું છે.
ચીન અવકાશમાં શું કરવા જઈ રહ્યું છે?
જ્યારે ચીન અવકાશમાં કયા સૈન્ય ઉદ્દેશ્યોને અનુસરી શકે છે તે સ્પષ્ટ કરવા માટે પૂછવામાં આવ્યું ત્યારે નેલ્સને કહ્યું કે ચીની અવકાશયાત્રીઓ અન્ય દેશોના ઉપગ્રહોને કેવી રીતે નાશ કરવા તે શીખી રહ્યા છે. તેમણે દાવો કર્યો કે ચંદ્રના દક્ષિણ ધ્રુવ માટે સ્પર્ધા તીવ્ર હશે. તેમણે એમ પણ કહ્યું કે બેઇજિંગ 2035 સુધીમાં પોતાના મૂન સ્ટેશનનું નિર્માણ પૂર્ણ કરી શકે છે અને એક વર્ષ પછી પ્રયોગો શરૂ કરી શકે છે.
Click it and Unblock the Notifications
Sign in with Google
