માન્ચેસ્ટર વિસ્ફોટ પછી ISIS સમર્થકોનું ટ્વીટઃ ખૂબ મારો બધાને
ઇંગ્લેન્ડના માન્ચેસ્ટરમાં થયેલ હુમલાથી વિશ્વમાં શોક અને ભય ફેલાયો છે, પરંતુ આઇએસઆઇએસ ના સમર્થકો આ હુમલા અંગે ખુશી વ્યક્ત કરી રહ્યાં છે.
બ્રિટનના માન્ચેસ્ટર શહેરમાં સોમવારે રાત્રે 10.35 કલાકે હુમલો થયો હતો, એક પૉપ કોન્સર્ટમાં થયેલ આ હુમલામાં 19 લોકોનું મૃત્યુ થયું છે તથા 50થી વધુ લોકો ઇજાગ્રસ્ત થયા છે. પોલીસે હાલ આ હુમલાને આતંકી હુમલાનું નામ આપી તપાસ હાથ ધરી છે. પોલીસને આ હુમલામાં માનવ બોમ્બનો ઉપયોગ થયો હોવાની શંકા છે.
સમગ્ર વિશ્વ આ હુમલાની ખબરથી શોકમય અને ભયભીત છે, પરંતુ આઇએસઆઇએસ ના સમર્થકોએ આ હુમલા અંગે ખુશી વ્યક્ત કરી છે અને તેઓ ઉત્સવની માફક આની ઉજવણી કરી રહ્યાં છે. જો કે, હજુ સુધી આઇએસઆઇએસ કે કોઇ અન્ય આતંકી સંગઠને આ હુમલાની જવાબદારી સ્વીકારી નથી.
બધે મારો, ખૂબ મારો
ટ્વીટર પર આઇએસઆઇએસ સમર્થકોના ટ્વીટ જોવા મળ્યા છે. એક સમર્થકે ટ્વીટ કરી લખ્યું છે, ખૂબ સરસ...દરેક જગ્યાએ મારો..બ્રિટન, માન્ચેસ્ટર, યુકે, લંડન.. આ ટ્વીટ SITEINTELGROUP.COM તરફથી કરવામાં આવ્યું છે. આવા બે ટ્વીટ સોશિયલ મીડિયા પર જોવા મળ્યા છે.
1) No claim regarding blast in #Manchester, but #ISIS accounts celebrating the attack, disseminating media & threats pic.twitter.com/Z8VqKWUkXD
— Rita Katz (@Rita_Katz) May 23, 2017
ઉલ્લેખનીય છે કે, માન્ચેસ્ટરમાં થયેલ હુમલામાં એક પછી એક સતત વિસ્ફોટ થયા હતા અને આ વિસ્ફોટ ખૂબ શક્તિશાળી હતા. હુમલો થયો ત્યારે એરિયાના ગ્રાંડે પરફોર્મ કરી રહી હતી. તેઓ સંપૂર્ણપણે સુરક્ષિત છે. પોલીસ અનુસાર, માન્ચેસ્ટર અરેનામાં વિસ્ફોટ બાદ આપાતકાલીન સેવાઓ સક્રિય થઇ ગઇ છે.
Click it and Unblock the Notifications
Sign in with Google
