જૉનસન એન્ડ જૉનસને કોરોનાની વેક્સીનનું ટ્રાયલ રોક્યું

વૉશિંગ્ટનઃ કોરોના વાયરસની વેક્સીન બનાવી રહેલી કંપની જૉનસન એન્ડ જૉનસને વેક્સીનનું ટ્રાયલ અસ્થાયી રૂપે અટકાવી દીધું છે. કંપની તરફથી કહેવામાં આવ્યું કે, કોરોના વેક્સીનના ટ્રાયલ દરમ્યાન એક વ્યક્તિની તબિયત વધુ બગડી ગઈ હોવાથી વેક્સીનનું ટ્રાયલ રોકવામાં આવી રહ્યું છે. જૉનસન એન્ડ જૉનસને પોતાના નિવેદનમાં કહ્યું કે અમે હાલ અમારી વેક્સીનના ક્લીનિકલ પરીક્ષણના બધા જ ટ્રાયલ રોકી દીધા છે, ફેઝ-3માં ઈંસેંબલ ટ્રાયલને પણ રોકી દેવામાં આવ્યું છે. જણાવી દઈએ કે જૉનસન એન્ડ જૉનસનના ક્લિનિકલ ટ્રાયલ માટે 60 હજાર લોકોએ ઓનલાઈન રજિસ્ટ્રેશન કરાવ્યું હતું.

જૉનસન એન્ડ જૉનસન તરફથી કહેવામાં આવ્યું કે ગંભીર પ્રતિકૂળ ઘટનાઓ એટલે કે એસએઈ કોઈપણ નૈદાનિક અધ્યયનનો મહત્વનો ભાગ હોય છે. કંપનીના દિશાનિર્દેશ હાલ આ ટ્રાયલ રોકવાની મંજૂરી આપે છે, દર્દી કયા કારણે બીમાર પડ્યો તે વિશે માલૂમ કરવું પડશે, અમે તેનું અધ્યયન કરી રહ્યા છીએ. જણાવી દઈએ કે કંપનીએ 3 સપ્ટેમ્બરે અમેરિકા અને દુનિયાભરમાં કોરોના વેક્સીનનું ટ્રાયલ શરૂ કર્યું હતું, 200 વેબસાઈટ પર 60 હજારથી વધુ સ્વયંસેવકે ટ્રાયલ માટે ખુદને રજિસ્ટર કર્યા હતા. અમેરિકા ઉપરાંત જૉનસન એન્ડ જૉનસન અર્જેંટીના, બ્રાઝીલ, ચિલી, કોલંબિયા, મેક્સિકો, પેરૂ અને દક્ષિણ આફ્રીકામાં આ વેક્સીનનું ટ્રાયલ કરી રહી હતી.

English summary

johnson and johnson stop clinical trial of covid 19 vaccine