ઇરાકી સેના અમેરલીમાં ઘુસી, આઇએસ સાથે યુદ્ધ જારી

બગદાદ/વોશિંગ્ટન, 1 સપ્ટેમ્બર: ઉત્તરી ઇરાકી શહેર અમેરલીને સુન્ની આતંકવાદી સંગઠન ઇસ્લામિક સ્ટેટના કબ્જાથી છોડાવવાની કવાયત ઝડપી થઇ ગઇ છે. અમેરિકાએ શનિવારે અમેરલીમાં ઉગ્રવાદીઓ પર હવાઇ હુમલા કર્યા, સાથે જ ત્યાં ફસાયેલા નાગરિકો માટે રાહત સામગ્રી પહોંચાડી. આની વચ્ચે ઇરાકી સેના રવિવારે અમેરલી શહેરમાં ઝેહાદી ઘેરો તોડીને અંદર ઘુસી ગઇ. સેનાએ તુર્કમેની બસ્તીનો ઘેરો તોડી નાખ્યો છે. ઇરાકી સેના ઉપરાંત શિયા અને કુર્દિશ પશમાર્ગા લડાકુઓ પણ આ લડાઇમાં ઇરાકી સેનાની સાથે છે. લગભગ બે મહિનાથી અમેરલીમાં ઇસ્લામિક સ્ટેટના આતંકવાદીઓનો કબ્જો છે અને આ કારણથી ત્યાં ભોજન, પાણી અને તબીબી મદદ ન્હોતી પહોંચી શકતી.

આ પહેલા અમેરિકન રક્ષા મંત્રાલયના પ્રવક્તા જૉન કિર્બીએ નિવેદનમાં જણાવ્યું કે નવા દૌરના હવાઇ હુમલાનો નિશાનો ઇરાકના તુર્કમેની લોકોની વસ્તી છે, જે બગદાદથી 170 કિલોમીટર દૂર છે. હવાઇ હુમલા નિશ્ચિત સમય અને ક્ષેત્રમાં કરવામાં આવશે, જેનું મુખ્ય લક્ષ્ય આતંકી સંગઠન દ્વારા સામાન્ય નાગરિકો પર હુમલો કરવા કરવાથી રોકવાનો છે. કિર્બીએ જણાવ્યું કે અમેરિકા ઇરાક સરકાર, સંયુક્ત રાષ્ટ્ર સંઘ અને બિનસરકારી સંગટનોની સાથે સહયોગ કરતા ઇરાકમાં માનવીય રાહતનું કામ કરતું રહેશે.

અમેરિકા સેનાએ બંધક બનાવેલ ઇરાકી શહેર અમેરલીમાં હવાઇ માર્ગથી મદદ પણ પહોંચાડી. પેંટાગનના પ્રેસ સચિવ રીયર એડમિરલ જોન કિર્બીએ જણાવ્યું કે અમેરિકન સેનાએ ઇરાકી અને કુર્દિશ સેનાની મદદ માટે ડ્રોન અને લડાકુ વિમાનોથી હુમલો કર્યો. સાથે જ તેમણે જાણકારી આપી કે અમેરિકન વાયુદળે આ મદદ ઓસ્ટ્રેલિયા, ફ્રાંસ અને બ્રિટેનના વિમાનોની મદદથી પહોંચાડી છે. તેમણે જરૂરીયાતની સામગ્રી ત્યાં હવાઇ માર્ગથી પહોંચાડી.

જોન કિર્બીએ જણાવ્યું કે આ સૈન્ય અભિયાન રાષ્ટ્રપતિ બરાક ઓબામાના નિર્દેશો અનુસાર કરવામાં આવ્યુ, જેમાં માનવીય મદદ પહોંચાડવા અને અમેરલીમાં આતંકવાદીઓ દ્વારા નાગરિકો પર હુમલા રોકવાની વાત કરાઇ હતી. નોંધનીય છે કે અત્રે લગભગ 15000થી વધારે નાગરિકો ફસાયેલા છે.

English summary

Jubilant Iraqi forces break two month siege of Amerli: officials.