હવે ચીને નકલી એફિલ ટાવર અને વ્હાઇટ હાઉસ પણ બનાવ્યા

Published: Tuesday, July 2, 2013, 13:57 [IST]

બીજિંગ, 2 જુલાઇ : ચીન એટલે નકલ કરવામાં બાદશાહ. આમ તો અત્યાર સુધી ચીન પાઇરેટેડ ડીવીડી, નકલી આઇફોન બનાવવા માટે કુખ્યાત છે. પણ હવે ચીને સંસ્કૃતિઓની નકલ પણ શરૂ કરી દીધી છે. ચીન હવે વિશ્વવિખ્યાત શહેરોની અને તેના પ્રસિદ્ધ સ્થાપત્યો અને ઇમારતોની નકલ કરી રહ્યું છે.

ચીનમાં તાજેતરમાં વસાવવામાં આવેલા થેમ્સ ટાઉનમાં પ્રવેશ કરતા જ તમે ચીનની સંસ્કૃતિથી વિલિપ્ત થઇને એક નવી જ દુનિયામાં પ્રવેશ કર્યો હોય તેવો અનુભવ થશે. આ અનોખા કૃત્રિમ શહેરને જોવા માટે સેંકડોની સંખ્યામાં ચીની યુવાનો આવી રહ્યા છે અને અહીંના વિહારની યાદગીરી ફોટો સ્વરૂપે લઇ જઇ રહ્યા છે.

ચીનમાં થીમ આધારિત શહેર વિકસાવાયું

થેમ્સ ટાવર હાઉસિંગ સ્કીમ અને તેની સાથે બનાવેલા સૉગજિયાંગ જિલ્લાના મુખ્ય યોજનાકાર બ્રિટિશ આર્કિટેક્ટ ટોની મેક છે. તેમણે તૈયાર કરેલા શહેરમાં ચીનનો કોલાહલ નથી. અહીંના માર્ગ સ્વચ્છ, પહોળા અને હવાદાર છે. આ માર્ગ પર થોડું આગળ વધતા જ ઇંગ્લેન્ડના કોટ્સવર્લ્ડ ગામોની પ્રેરણામાંથી બનેલો ક્લૉક ટાવર પણ નજરે પડશે. તેમાં મધ્યકાલીન લૂક ધરાવતા મીટિંગ રૂમમાં બ્રિટનના પૂર્વ વડાપ્રધાન વિન્સ્ટન ચર્ચિલનું સ્ટેચ્યુ પણ છે.

ચીનના યુવાનો ખૂબ પ્રભાવિત થયા

આ શ્રૃંખલામાં ઇટાલીના પ્રખ્યાત વેનિસ શહેરની પ્રતિકૃતિ પણ જોવા મળે છે. જો કે લોકો આ તમામ બાબતોથી ખુશ નથી અને કહી રહ્યા છે કે સમગ્ર પ્લાન યોજનાથી ભટકી ગયો છે અને તેમાં વાપરવામાં આવેલી સામગ્રીથી ઇન્ફ્રાસ્ટ્રક્ચર નકલી હોય તેવું લાગી રહ્યું છે. કેટલીક જગ્યાએ પત્થરોનો ઉપયોગ કરાયો છે જે અસલી અંગ્રેજી ચર્ચમાં ઉપયોગમાં લેવાતા નથી.