હવે ધરતી પર ઉતરશે ચાંદ, UAEમાં જે થશે તે સાંભળીને તમે વિશ્વાસ પણ નહીં કરી શકો!
બુર્જ ખલીફા સહિત અનેક સુંદર અને ગગનચુંબી ઈમારતો માટે જાણીતું આ શહેર ફરી એક વખત તેના આર્કિટેક્ચર દ્વારા દુનિયાને આશ્ચર્યમાં મુકવા જઈ રહ્યું છે.
દુબઈ : બુર્જ ખલીફા સહિત અનેક સુંદર અને ગગનચુંબી ઈમારતો માટે જાણીતું આ શહેર ફરી એક વખત તેના આર્કિટેક્ચર દ્વારા દુનિયાને આશ્ચર્યમાં મુકવા જઈ રહ્યું છે. દુબઈએ હવે ચંદ્રને ધરતી પર ઉતારવાી તૈયારી કરી લીધી છે, એટલે કે તે અહીં દુનિયાનું પહેલું મૂન રિસોર્ટ બનાવવા જઈ રહ્યું છે. તેને બનાવવામાં એટલો ખર્ચ થશે જે સાંભળીને તમે આશ્ચર્યચકિત થઈ જશો.
5 બિલિયન ડોલરનો ખર્ચ
મીડિયા રિપોર્ટ્સ અનુસાર, કેનેડિયન આર્કિટેક્ચરલ કંપની મૂન વર્લ્ડ રિસોર્ટ્સે સસ્તું સ્પેસ ટૂરિઝમ ઓફર કરવા માટે એક રિસોર્ટ બનાવવાનો પ્રસ્તાવ મૂક્યો છે, જેમાં લોકોને પૃથ્વી પર ચંદ્ર પર હોવાનો અનુભવ થશે. આ ચંદ્રનું કદ 735 ફૂટ હશે. આ ચંદ્રને બનાવવા માટે 5 અબજ ડોલરનો ખર્ચ થશે, જે ચાર વર્ષમાં તૈયાર થઈ જશે. ભારતીય રૂપિયામાં તેની સરખામણી કરો તો આ ખર્ચ લગભગ 40 હજાર કરોડ થાય છે.
UAEની અર્થવ્યવસ્થાને મોટો ફાયદો
મૂન રિસોર્ટમાં મહેમાનો માટે સ્પા, નાઇટક્લબ, ઇવેન્ટ સેન્ટર, ગ્લોબલ મીટિંગ પ્લેસ, લાઉન્જ અને ઇન-હાઉસ મૂન શટલ હશે. આ ઉપરાંત, રિસોર્ટમાં વિવિધ અવકાશ એજન્સીઓ અને તેમના સંબંધિત અવકાશયાત્રીઓ માટે તાલીમ પ્લેટફોર્મ પણ હશે. તેની કન્સ્ટ્રક્શન ફર્મ MWR માને છે કે મૂન રિસોર્ટમાં મનોરંજન, આકર્ષણો, શિક્ષણ, ટેક્નોલોજી, પર્યાવરણ અને અવકાશ પર્યટન જેવી ઘણી લક્ઝરી સુવિધાઓ હશે, જેનાથી અર્થતંત્રને ફાયદો થશે.
દર વર્ષે 1 કરોડ લોકો આવશે
દુબઈમાં પહેલાથી જ ઘણા લક્ઝરી અને પર્યટન સ્થળો છે, જેમાં દુબઈ મોલ અને એટલાન્ટિસ પામ જુમરેહનો સમાવેશ થાય છે. હવે આ લક્ઝરી હોટેલ્સ અને મોલ્સની યાદીમાં આ ચંદ્ર પણ જોડાશે. આ નવા રિસોર્ટની મુલાકાત લેવા દર વર્ષે 1 કરોડ લોકો આવશે તેવો અંદાજ છે. અરેબિયન બિઝનેસ સાથે વાત કરતા, માઈકલ આર. હેન્ડરસને, સહ-સ્થાપક, મૂન વર્લ્ડ રિસોર્ટ ઈન્ક.એ જણાવ્યું કે, દુબઈમાં મૂનની થીમ સાથેની હોટેલ શહેરના અર્થતંત્રને વધુ જીવંત બનાવવા જઈ રહી છે. આનાથી હોસ્પિટાલિટી, મનોરંજન, શિક્ષણ, ટેકનોલોજી અને અવકાશ પ્રવાસન જેવા ક્ષેત્રોને પ્રોત્સાહન મળશે.
ચંદ્ર 10 એકરમાં ફેલાયેલો હશે
અરેબિયન બિઝનેસના અહેવાલ મુજબ, દુબઈનો ચંદ્ર 10 એકરમાં ફેલાયેલો હશે, જેમાં વેલનેસ સેન્ટર, નાઈટક્લબ, આવાસ (300 ખાનગી સ્કાય વિલા) અને હોટેલ રૂમનો સમાવેશ થશે. આ સ્થળ ચંદ્રની સપાટીથી ઘેરાયેલું હશે અને તેમાં ચંદ્રની વસાહત પણ હશે. સસ્તામાં અવકાશ પ્રવાસનનો આનંદ માણનારા લોકો માટે આ એક ઉત્તમ સ્થળ હશે. રિપોર્ટમાં જણાવાયું છે કે સ્કાય વિલાના માલિકો રિસોર્ટમાં એક વિશિષ્ટ ખાનગી ક્લબના સભ્ય પણ બની શકશે. હાલમાં કંપની સંભવિત ગ્રાહકોને ચંદ્ર પરની જગ્યા વેચવા માટે રોડ શો પણ કરી રહી છે.
કંપની યોગ્ય જગ્યા શોધી રહી છે
મૂન વર્લ્ડ રિસોર્ટ્સના સ્થાપક સાન્દ્રા જી મેથ્યુઝે જણાવ્યું કે મૂન રિસોર્ટ દુબઈની અંદર સૌથી મોટો અને સૌથી સફળ આધુનિક પ્રવાસન પ્રોજેક્ટ હશે, જે દુબઈની મુલાકાત લેતા પ્રવાસીઓની સંખ્યા બમણી કરશે. અત્યારે દુબઈમાં સત્તાવાળાઓ અને આયોજકો મૂન રિસોર્ટ બનાવવા માટે યોગ્ય જગ્યા શોધી રહ્યા છે. આ ઉપરાંત મૂન વર્લ્ડ રિસોર્ટ્સ વિશ્વભરમાં ચાર મૂન ડેસ્ટિનેશન રિસોર્ટને લાઇસન્સ આપવા માટે પણ કામ કરી રહી છે. આ તમામ ચંદ્ર રિસોર્ટ વિવિધ ખંડોમાં ફેલાયેલા હશે. ઉત્તર અમેરિકા, યુરોપ, મધ્ય પૂર્વ, ઉત્તર આફ્રિકા અને એશિયામાં તેને બનાવવા માટે વિચારણા કરવામાં આવી રહી છે.
બુર્જ ખલીફા કરતા પણ વધારે ખર્ચ
જો તેની સરખામણી બુર્જ ખલીફા સાથે કરવામાં આવે તો તે ઘણી ઊંચી છે. બુર્જ ખલીફા બનાવવા માટે $1.5 બિલિયનનો ખર્ચ થયો હતો. ચંદ્રને બનાવવા માટે 5 અબજ ડોલરનો ખર્ચ થશે. બુર્જ ખલીફાને બનાવવામાં 6 વર્ષ લાગ્યા હતા. બુર્જ ખલીફા પર કામ જાન્યુઆરી 2004માં શરૂ થયું અને ઓક્ટોબર 2009માં પૂર્ણ થયું હતું. તે 4 જાન્યુઆરી, 2010 ના રોજ સત્તાવાર રીતે ખોલવામાં આવ્યું હતું.
Click it and Unblock the Notifications
Sign in with Google
