સેનામાં યૌન શોષણ સાખી નહીં લેવાયઃ ઓબામા

વોશિંગ્ટન, 8 મેઃ અમેરિકન સેનામાં વધી રહેલા યૌન શોષણના મામલાને લઇને રાષ્ટ્રપતિ બરાક ઓબામા ચિંતિત છે. અમેરિકાના રાષ્ટ્રપતિએ યૌન શોષણને અત્યાચાર અને અપરાધ ગણાવ્યો છે. સેનામાં વધી રહેલા યૌન અપરાધ પર ચિંતા જાહેર કરતા બરાક ઓબામા એ કહ્યું કે સેનામાં આ પ્રકારની કોઇપણ કરતૂત દેશભક્તિ વિરુદ્ધ છે અને તેના પર રોક લગાવવા માટે તમામ પ્રકારના પ્રયત્નો કરવામાં આવશે.

વ્હાઇટ હાઉસમાં એક સમ્મેલન દરમિયાન અમેરિકન સેનામાં વધી રહેલા યૌન શોષણ પર જારી કરવામાં આવેલા રિપોર્ટ બોલતા ઓબામાએ કહ્યું કે, યૌન શોષણ એક અત્યાચાર છે. તેવામાં જો અમેરિકન સેનાનો કોઇપણ સૈનિક આમ કરે છે તો તે પોતાની એ વરદીનું અપમાન કરે છે જેને તે પહેરી રહ્યો છે. તેમણે કહ્યું કે સેનામાં યૌન શોષણ દેશભક્તિને પ્રભાવિત કરે છે.

રાષ્ટ્રપતિએ વિશ્વાસ વ્યક્ત કર્યો છે કે સરકાર તેને ખતમ કરવા માટે શક્ય તેટલા પ્રયત્નો કરશે. ઓબામાએ કહ્યું કે એક એવી પ્રણાલી બનાવવાના પ્રયત્નો કરવામાં આવી રહ્યાં છે કે, જેમાં ઉપરથી નીચે સુધી જવાબદેહી અને પારદર્શિતા સુનિશ્ચિત કરી શકાય તેથી યૌન શોષણના જડને સમાપ્ત કરી શકાય.

English summary

President Barack Obama has said sexual harassment and assault will not be tolerated in the US military.