પાકિસ્તાને કર્યું 'હત્ફ-4' મિસાઇલનું પરીક્ષણ

ઇસ્લામાબાદ, 10 એપ્રિલ: પાકિસ્તાને બુધવારે 900 કિલોમીટર સુધી માર કરનારી અને પરમાણુ સામગ્રી લઇ જવામાં સક્ષમ હત્ફ-4 બેલેસ્ટિક મિસાઇલનું સફળતાપૂર્વક પરિક્ષણ કર્યું. આ મિસાઇલ ભારતની અંદર સુધીના વિસ્તારોને પણ ટાર્ગેટ કરવામાં સક્ષમ છે.

આધિકારીઓએ જણાવ્યું કે હત્ફ-4 દેશની પ્રતિરોધક ક્ષમતાને ખુબ જ વધારી શકશે. આને શાહીન-1 નાથી પણ ઓળખવામાં આવે છે. પાકિસ્તાન સેનાએ એક નિવેદનમાં જણાવ્યું કે મિસાઇલમાં હાલની મિસાઇલના મુકાબલે આક્રમણ ક્ષમતા, રેંજ અને અન્ય ટેકનીકલી માપદંડોમાં ઘણા શ્રેણીબદ્ધ સુધારાઓને પણ સમાવવામાં આવ્યા છે.

માહિતી અનુસાર હત્ફ-4 પરમાણુ અને પારંપરિક યુદ્ધ સામગ્રીને 900 કિલોમીટર સુધીની રેંજ સુધી પહોંચાડવામાં સક્ષમ છે. આ મિસાઇલે સમુદ્રમાં પોતાના નિશાનાને સાધ્યું. છેલ્લા એક વર્ષથી પાકિસ્તાને ઘણા પ્રકારની મિસાઇલનું પરિક્ષણ કર્યું છે, જેમાં 60 કિલોમીટર રેંજવાળી હત્ફ-9થી લઇને હત્ફ-5 બેલેસ્ટિક મિસાઇલનો પણ સમાવેશ થાય છે, જેની ક્ષમતા 1300 કિલોમીટર સુધીની છે.

English summary

Pakistan today successfully test-fired nuclear-capable Hatf-IV ballistic missile with a range of 900 km that can hit targets in India. Officials said the launch of the Hatf-IV, also known as the Shaheen-1, would strengthen the country's deterrence capabilities "manifold".