PM Modi US Visit: ભારત-અમેરિકાની દોસ્તીના નામે પીએમ મોદીએ ઉઠાવ્યા ટોસ્ટ, બાઈડેન સાથે કર્યુ ચીયર્સ
PM Modi US Visit: અમેરિકી રાષ્ટ્રપતિ જો બાઈડેને વ્હાઇટ હાઉસમાં વડાપ્રધાન નરેન્દ્ર મોદીના ડિનરનુ આયોજન કરીને ખુશી વ્યક્ત કરી છે. બાઈડેને કહ્યું કે આ ભારત અને અમેરિકા વચ્ચેના જબરદસ્ત મિત્રતાના બંધનની ઉજવણી કરવાનો પ્રસંગ છે.
સ્ટેટ ડિનરમાં ખાસ ભાષણ દરમિયાન બાઈડેને કહ્યું કે જીલ અને મે પીએમ મોદી સાથે સારો સમય પસાર કર્યો. આજે રાતે અમે બંને દેશો વચ્ચેની મજબૂત મિત્રતાના સંબંધોની ઉજવણી કરી રહ્યા છીએ.
આ દરમિયાન પીએમ મોદી અને જો બાઈડેને ટોસ્ટ પણ રેઝ કર્યા હતા. અગાઉ, જો બાઈડેન અને જીલ બાઈડેને વ્હાઇટ હાઉસમાં સ્ટેટ ડિનર દરમિયાન પીએમ મોદીનું સ્વાગત કર્યું હતું. આ સ્ટેટ ડિનરમાં બંને દેશોની ઘણી સેલિબ્રિટીઓએ હાજરી આપી હતી.
આ દરમિયાન પીએમ મોદીએ કહ્યું કે આજે હું આ શાનદાર ડિનરનુ આયોજન કરવા બદલ રાષ્ટ્રપતિનો હૃદયપૂર્વક આભાર વ્યક્ત કરું છું. મારી મુલાકાતને સફળ બનાવવા માટે જીલ બાઈડેનના અંગત પ્રયાસો બદલ હું ખાસ કરીને તેમનો આભારી છું.
તમે ગઈકાલે સાંજે મારા માટે તમારા ઘરના દરવાજા ખોલ્યા છે, હું તમારી મિત્રતા અને ઉષ્માભર્યા આતિથ્ય માટે ખૂબ આભારી છું. આજની સાંજને વધુ વિશેષ બનાવે છે બંને દેશોના આપણી સાથે હાજર રહેલા તમામ મહાનુભાવો, લોકશાહી અને વિવિધતાના મૂલ્યોને સાકાર કરતા લોકો આપણી સૌથી મૂલ્યવાન સંપત્તિ છે.
હું જાણું છું કે આજના સ્પેશિયલ મેનૂને જોયા પછી દરેક વ્યક્તિ ભોજન માટે આતુર છે, ડૉ. બાઈડેને દરેક વિગતોની ખૂબ જ ઝીણવટપૂર્વક કાળજી લીધી છે. પરંતુ એક કાર્ય બાકી છે, હું તમને બધાને મારી સાથે ટોસ્ટમાં જોડાવા વિનંતી કરું છું. આ ટોસ્ટ આપણા અદ્ભુત યજમાન અને જીલ બાઈડેન, સારા સ્વાસ્થ્ય, સમાનતા, સાર્વભૌમત્વ, ભારત અને અમેરિકા વચ્ચે મહાન મિત્રતાના નામે છે.
ભારતીય-અમેરિકનોએ અમેરિકામાં બહુ યાત્રા કરી છે, ભારતીય મૂલ્યો, ભારતની લોકતાંત્રિક પરંપરાઓ અને આપણી સંસ્કૃતિના ગૌરવભર્યા આ લોકોનુ અમેરિકામાં સતત સન્માન કરવામાં આવ્યું છે.
ભારતીય મૂળના લોકોએ અમેરિકાના સમાવેશી સમાજ અને અર્થવ્યવસ્થાને વધુ મજબૂત બનાવવામાં મોટી ભૂમિકા ભજવી છે. હોસ્પિટલ હોય કે હોટેલ, યુનિવર્સિટી હોય કે રિસર્ચ, મેનેજમેન્ટ હોય કે IT, દરેક ક્ષેત્રમાં તેઓ યોગદાન આપી રહ્યા છે.
Click it and Unblock the Notifications
Sign in with Google
