PM modi usa visit: PM મોદીને મળ્યા US રાષ્ટ્રપતિ જો બાઈડન, કહ્યું- ભારતને મળવો જોઈએ વિટો પાવર
PM modi usa visit: વડાપ્રધાન મોદી 21 સપ્ટેમ્બરના રોજ ત્રણ દિવસીય પ્રવાસ માટે અમેરિકા પહોંચ્યા હતા. તેઓ ક્વાડ સમિટમાં ભાગ લેવા માટે અમેરિકા પહોંચ્યા છે.
અમેરિકાની ત્રણ દિવસની મુલાકાતે પહોંચેલા વડાપ્રધાન નરેન્દ્ર મોદીએ રાષ્ટ્રપતિ જો બાઈડન સાથે મહત્વપૂર્ણ બેઠક કરી હતી.
ઉલ્લેખનીય બાબત છે કે, બંને નેતાઓ દ્વારા ઈન્ડો-પેસિફિક ક્ષેત્ર સહિત દ્વિપક્ષીય સહયોગ વધારવા તેમજ વૈશ્વિક ઉપરાંત પ્રાદેશિક મુદ્દાઓ પર ચર્ચા કરવામાં આવી હતી.
શનિવારના રોજ જો બાઈડને ડેલાવેરના ગ્રીનવિલે ખાતેના પોતાના નિવાસસ્થાને વડાપ્રધાન નરેન્દ્ર મોદીનું ઉષ્માભર્યું સ્વાગત કર્યું હતું. જ્યાં બંને નેતાઓએ એકબીજાને ગળે મળ્યા હતા.
જો બાઈડન વડાપ્રધાન મોદીનો હાથ પકડીને ઘરમાં લઈ ગયા હતા. જે બાદ બંને નેતાઓએ દ્વિપક્ષીય વાતચીત કરી હતી. એક કલાકથી વધુ સમય સુધી વડાપ્રધાન મોદી અને જો બાઈડને દ્વિપક્ષીય વાટાઘાટો કરી હતી.
જે બાદ જો બાઈડને ટ્વિટર પર પોસ્ટ કર્યું હતું, ભારત સાથેની અમેરિકાની ભાગીદારી ઈતિહાસના કોઈપણ સમય કરતાં વધુ મજબૂત, નજીકની અને વધુ ગતિશીલ છે.
જ્યારે પણ અમે મળીએ છીએ ત્યારે હું નવી શોધ કરવાની અમારી ક્ષમતાથી પ્રભાવિત થયો છું. સહયોગના ક્ષેત્રો આજે અલગ ન હતા.
વડાપ્રધાન મોદી સાથેની મુલાકાત દરમિયાન અમેરિકાના રાષ્ટ્રપતિ જો બાઈડને વૈશ્વિક સંસ્થાઓમાં સુધારાની હિમાયત કરી હતી.
અમેરિકાના રાષ્ટ્રપતિ જો બાઈડને જણાવ્યું હતું કે, ભારતને સંયુક્ત રાષ્ટ્ર સુરક્ષા પરિષદમાં કાયમી સભ્યપદ એટલે કે વીટો પાવર મળવો જોઈએ. અમેરિકા તેનું ખુલ્લેઆમ સમર્થન કરે છે.
Click it and Unblock the Notifications
Sign in with Google
