બાબાને ક્લીન ચિટ, રામદેવે કહ્યું 'પૂછપરછ પાછળ કોંગ્રેસનો હાથ'
લંડન, 22 સપ્ટેમ્બર : બાબા રામદેવને ક્લીન ચિટ મળી ગઇ છે. બ્રિટેનના હીથ્રો હવાઇ મથક પર તેમની ફરીથી પૂછપરછ કરવામાં આવી. એરપોર્ટ પર કસ્ટમ ડિપાર્ટમેન્ટે લગભગ 6 કલાક સુધી તેમની પૂછપરછ કરી. એરપોર્ટ ઓથોરિટીએ બાબા રામદેવને રોકીને બીજા દિવસે ફરીથી પૂછપરછ કરવામાં આવી. ફરીથી પૂછપરછ બાદ જ તેમને ત્યાંથી જવાની અનુમતિ આપવામાં આવી. એરપોર્ટ પર રોક્યા બાદ બાબા રામદેવે જણાવ્યું કે તેમને ગઇકાલે રોકવાનું કોઇ કારણ આપવામાં આવ્યું નહીં.
જોકે લંડન હવાઇ મથકના અધિકારીઓની બીજા દિવસની પૂછપરછ તેમના વ્યાવસાયિક વિઝાને બદલે યાત્રી વિઝા પર મુસાફરી કરવાના સંબંધમાં કરવામાં આવી હતી. જ્યારે બીજી વખત પૂછપરછ કરતા રામદેવ ભારત સરકારથી નારાજ થઇ ગયા. રામદેવે જણાવ્યું કે ભારત સરકારે આ મામલામાં ખલનાયકની ભૂમિકા નિભાવી છે.
રામદેવે જણાવ્યું કે મને દુ:ખ છે કે મને મારી સરકાર તરફથી કોઇ સહકાર ના મળ્યો. મને કહેવામાં આવ્યું છે કે મારા નામ પર રેડ એલર્ટ છે, જે માત્ર ક્રિમિનલ અને આતંકવાદીઓ પર લગાવવામાં આવે છે. આ જે કઇ પણ બન્યું છે તેમાં ભારત સરકાર દ્વારા બ્રિટિશ અધિકારીઓની કાનભંભેણી કરવાનું પરિણામ છે.
Click it and Unblock the Notifications
Sign in with Google
