રૂપર્ટ મર્ડોક છૂટાછેડા લેશે!
મર્ડોકની પત્ની વેન્ડી વર્ષ 2011માં એ સમયે ઘણી ચર્ચામાં રહી હતી, જ્યારે ફોન હેકિંગના કેસ દરમિયાન એક વ્યક્તિએ મર્ડૉક પર હુમલાનો પ્રયત્ન કર્યો હતો અને વેન્ડીએ આગળ વધીને તેને રોક્યો હતો. 82 વર્ષના રૂપર્ટ મર્ડોક અને વેન્ડીની મુલાકાત વર્ષ 1997માં થઇ હતી. તેના બે વર્ષ બાદ બંનેએ લગ્ન કર્યાં. મૂળ ચીની એવી વેન્ડી મર્ડોકની ત્રીજી પત્ની છે.
ન્યૂ યોર્ક ટાઇમ્સની મીડિયા રિપોર્ટર એમી ચોજિકે ટ્વિટ કરીને જણાવ્યું છે કે છૂટાછેડા માટે કરેલી અરજીમાં કહેવામાં આવ્યું છે કે તેમના લગ્નસંબંધમાં એવી તિરાડ પડી છે કે તેને સાંઘી શકાય તેમ નથી. ઉલ્લેખનીય છે કે પોતાના છેલ્લા છૂટાછેડા સમયે મર્ડોકે 1.7 બિલિયન ડૉલરની ભારે રકમ ચૂકવવી પડી હતી. જો કે વેન્ડી અને રૂપર્ટના વિવાહ પહેલા સમજુતિ કરવામાં આવી હતી જે મુજબ બંને બાળકોના નામે શેર મૂકવામાં આવ્યા છે.
44 વર્ષીય ડેંગ ઉંમરમાં મર્ડોકથી 38 વર્ષ નાની છે. તેણે યેલ યુનિવર્સિટીમાંથી અભ્યાસ કર્યો છે. ત્યાર બાદ રૂપર્ટની કંપની સ્ટાર ટીવીમાં હોંગ કોંગ ખાતે તેને નોકરી મળી હતી. આ નોકરી દરમિયાન તેમની મુલાકાત મીડિયા મુગલ મર્ડોક સાથે થઇ હતી. વેન્ડી ડેંગ મર્ડોકના મીડિયા બિઝનેસમાં મહત્વની ભૂમિકા ભજવતા આવ્યા છે.
Click it and Unblock the Notifications
Sign in with Google
