તાલિબાનને તેના શબ્દો નહીં એક્શનથી આંકવામાં આવે-અમેરિકા
અમેરિકાના એક અધિકારીએ કતારના દોહામાં શનિવાર અને રવિવારે વરિષ્ઠ તાલિબાન અધિકારીઓ સાથે બેઠક યોજી હતી. ઓગસ્ટમાં અફઘાનિસ્તાનમાંથી અમેરિકી દળોને હટાવ્યા બાદ આ પ્રકારની પ્રથમ બેઠક છે.
વોશિંગ્ટન, 11 ઓક્ટોબર : અમેરિકાના એક અધિકારીએ કતારના દોહામાં શનિવાર અને રવિવારે વરિષ્ઠ તાલિબાન અધિકારીઓ સાથે બેઠક યોજી હતી. ઓગસ્ટમાં અફઘાનિસ્તાનમાંથી અમેરિકી દળોને હટાવ્યા બાદ આ પ્રકારની પ્રથમ બેઠક છે. દોહા વાટાઘાટો પછી અમેરિકાએ કહ્યું હતું કે, તાલિબાનનો નિર્ણય તેના શબ્દો અથવા વચનો દ્વારા નહીં, પરંતુ તેના કાર્યો અને ક્રિયાઓ દ્વારા કરવામાં આવશે. યુએસ સ્ટેટ ડિપાર્ટમેન્ટના પ્રવક્તા નેડ પ્રાઇસે રવિવારે જણાવ્યું હતું કે યુએસ ઇન્ટરજેન્સીનું પ્રતિનિધિમંડળે કાબુલમાં તાલિબાન પ્રતિનિધિઓ સાથે મુલાકાત કરવા અને મહત્વપૂર્ણ રાષ્ટ્રીય હિતના મુદ્દાઓ પર ચર્ચા કરવા માટે કતારની યાત્રા કરી હતી. નેડ પ્રાઇસના જણાવ્યા મુજબ યુએસ પ્રતિનિધિમંડળે એ વાત દોહરાવી કે તાલિબાનને તેના શબ્દોથી નહીં એક્શનથી માપવામાં આવશે.
દોહા મંત્રણા બાદ સત્તાવાર નિવેદનમાં યુએસ સ્ટેટ ડિપાર્ટમેન્ટના પ્રવક્તા નેડ પ્રાઇસે કહ્યું કે, 9 અને 10 ઓક્ટોબરના રોજ આંતર-એજન્સી યુએસ પ્રતિનિધિમંડળે દોહામાં તાલિબાનના વરિષ્ઠ પ્રતિનિધિઓ સાથે વાતચીત કરી હતી. મંત્રણામાં અમેરિકી પ્રતિનિધિમંડળે સુરક્ષા અને આતંકવાદની ચિંતાઓ પર ચર્ચા કરી. આ ચર્ચા યુએસ નાગરિકો, અન્ય વિદેશી નાગરિકો અને અમારા અફઘાન ભાગીદારો માટે સલામત મુસાફરી પર કેન્દ્રિત હતી. અમે અફઘાન સમાજના તમામ પાસાઓમાં મહિલાઓ અને છોકરીઓની અર્થપૂર્ણ ભાગીદારી સહિત માનવ અધિકારો વિશે પણ વાત કરી હતી.
નેડ પ્રાઇસે કહ્યું કે, બંને પક્ષોએ યુનાઇટેડ સ્ટેટ્સ દ્વારા અફઘાન લોકોને મજબૂત માનવીય સહાયતાની જોગવાઇ પર પણ ચર્ચા કરી. ચર્ચા નિખાલસ અને વ્યાવસાયિક હતી.
કતરની રાજધાની દોહામાં અફઘાનિસ્તાનમાં તાલિબાન સરકાર સત્તા પર આવ્યા બાદ તાલિબાન અને અમેરિકાના પ્રતિનિધિમંડળોએ પ્રથમ બેઠક યોજી હતી. અફઘાનિસ્તાનના કાર્યકારી વિદેશ મંત્રી અમીર ખાન મુત્તકીના હવાલાથી સ્થાનિક મીડિયાએ કહ્યું કે, અફઘાન સરકાર અને યુનાઇટેડ સ્ટેટ્સ પ્રતિનિધિમંડળે કતરમાં સંબંધો, અફઘાનિસ્તાનને માનવીય સહાય અને દોહા શાંતિ કરારના અમલીકરણ અંગે ચર્ચા કરી છે.
Click it and Unblock the Notifications
Sign in with Google
