મોદી ઇફેક્ટ: અમેરિકા આવ્યું ભારતના પડખે, રિપોર્ટ્સમાં ખોલી પાક.ની પોલ
વોશિંગ્ટન, 4 નવેમ્બર: પાકિસ્તાનમાં આતંકવાદીઓના સુરક્ષિત આશ્રયોનું આકલન કરતા પેંટાગને અમેરિકન કોંગ્રેસને માહિતી આપતા જણાવ્યું છે કે 'પોતાના કરતા વધુ સક્ષમ ભારતીય સેનાનો પરોક્ષ રીતે મુકાબલો કરવા માટે પાકિસ્તાન આતંકવાદી સંગઠનનો સહારો લઇ રહ્યું છે.'
પેંટાગને 100થી વધારે પાનાના આ અહેવાલમાં જણાવ્યું કે, 'આતંકવાદીઓ સાથે આ સંબંધ પાકિસ્તાનના તે સાર્વજનિક વલણના વિરુદ્ધ છે, જે હેઠળ તેણે અફગાનીસ્તાનમાં શાંતિ અને સ્થિરતા માટે ક્ષેત્રીય સહયોગીનું સમર્થન કરવાની વાત કહી હતી. આતંકી સમૂહોનું અફગાન-પાકિસ્તાનના દ્વિપપક્ષીય સંબંધોમાં એક પ્રાથમિક ઉત્તેજક બળના રૂપમાં કાર્ય કરવું હજી પણ ચાલું છે.'
અહેવાલમાં કહેવામાં આવ્યું છે કે પાકિસ્તાને અફગાનિસ્તાન અથવા ભારતને નિશાનો બનાવનાર આતંકી સંગઠનો વિરુદ્ધ પૂરતા પગલા નથી ભર્યા. રિપોર્ટમાં હાલમાં જ પૂર્ણ થયેલા રાષ્ટ્રપતિ ચૂંટણી દરમિયાન અફગાન રાષ્ટ્રીય સુરક્ષા દળોની કામગીરીના પણ વખાણ કર્યા છે.