US Election 2024 : અમેરિકન પ્રેસિડેન્ટ ઈલેક્શન માટે કમલા હેરિસે ઉમેદવારીની જાહેરાત કરી

US Presidential Election 2024 : અમેરિકાના પુર્વ રાષ્ટ્રપતિ બરાક ઓબામાએ સમર્થનની જાહેરાત બાદ કમલા હેરિસે રાષ્ટ્રપતિ ચૂંટણી માટે ઉમેદવારીની જાહેરાત કરી છે.

ઉપરાષ્ટ્રપતિ કમલા હેરિસે યુએસ પ્રમુખપદની ચૂંટણી માટે સત્તાવાર રીતે તેમની ઉમેદવારીની જાહેરાત કરતા ફોર્મ પર હસ્તાક્ષર કર્યા. તેમણે કહ્યું કે, તેમના લોકો દ્વારા ચલાવવામાં આવેલું અભિયાન નવેમ્બરમાં વિજયી બનશે.

કમલા હેરિસે સોશિયલ મીડિયા X પર કહ્યું કે, નવેમ્બરમાં લોકો દ્વારા તેમનું સંચાલિત અભિયાન જીતશે. તેણીએ વધુમાં કહ્યું કે તે દરેક મત મેળવવા માટે સખત મહેનત કરશે.

કમલા હેરિસે પોતાની પોસ્ટમાં જણાવ્યું કે આજે મેં સત્તાવાર રીતે યુનાઇટેડ સ્ટેટ્સના રાષ્ટ્રપતિ માટે મારી ઉમેદવારીની જાહેરાત કરતા ફોર્મ પર હસ્તાક્ષર કર્યા. હું દરેક મત મેળવવા માટે સખત મહેનત કરીશ અને નવેમ્બરમાં અમે જીતીશું.

આગામી 5 નવેમ્બરે યોજાનારી યુએસ પ્રમુખપદની ચૂંટણીમાં જો બાઈડનના સમર્થન બાદ ઉપરાષ્ટ્રપતિ કમલા હેરિસ ડેમોક્રેટિક ઉમેદવાર તરીકે ઉતરશે. અગાઉ 26 જુલાઇએ પૂર્વ યુએસ પ્રેસિડેન્ટ બરાક ઓબામાએ જો બાઈડન રેસમાંથી બહાર નીકળ્યા પછી યુએસ પ્રમુખપદ માટે ઉપરાષ્ટ્રપતિ કમલા હેરિસને જાહેરમાં સમર્થન આપ્યું હતું.

ઓબામાએ કહ્યું કે તેઓ અને અમેરિકાની ભૂતપૂર્વ પ્રથમ મહિલા મિશેલ ઓબામા નવેમ્બરમાં યોજાનારી પ્રમુખપદની ચૂંટણીમાં હેરિસની જીત સુનિશ્ચિત કરવા માટે શક્ય તમામ પ્રયાસો કરશે.

એક્સ પરની એક પોસ્ટમાં બરાક ઓબામાએ કહ્યું હતું કે, આ સપ્તાહની શરૂઆતમાં મિશેલ અને મેં અમારી મિત્ર કમલા હેરિસને ફોન કર્યો હતો. અમે કહ્યું કે અમને લાગે છે કે તે યુનાઇટેડ સ્ટેટ્સની અદ્ભુત રાષ્ટ્રપતિ બનાવશે અને તેમને અમારૂ સંપૂર્ણ સમર્થન છે.

English summary

US Election 2024: Kamala Harris announced her candidacy for the American presidential election