અમેરિકા કરી રહ્યું છે વિશ્વાના 35 અગ્રણી નેતાઓની જાસૂસી

વૉશિંગ્ટન, 25 ઓક્ટોબર : અમેરિકાની જાસૂસી એજન્સી સીઆઇએના પૂર્વ કોન્ટ્રાક્ટર એડવર્ડ સ્નોડેન તરફથી લીક કરવામાં આવેલા દસ્તાવેજોમાંથી પ્રાપ્ત માહિતી અનુસાર અમેરિકા વિશ્વના 35 મોટા નેતાઓના ફોનની જાસૂસી કરાવી રહ્યું હોવાના સંકેત મળી રહ્યા છે. આ અંગે બ્રિટનના અખબાર 'ધ ગ્રાડિયને' પ્રકાશિત કરેલા અહેવાલ અને દસ્તાવેજોમાંથી સંકેત મળે છે.

આ ગુપ્ત દસ્તાવેજો અનુસાર અમેરિકાની રાષ્ટ્રીય સુરક્ષા એજન્સી (એનએસએ)ને અમેરિકન સરકારના એક અન્ય વિભાગ પાસેથી 200 ટેલિફોન નંબરોની યાદી મળ્યા બાદ તેણે જાસૂસી શરૂ કરી દીધી હતી.

ઓક્ટોબર 2006ની તારીખવાળા આ દસ્તાવેજો અનુસાર એનએસએ દ્વારા અમેરિકાના ગૃહ મંત્રાલય, વ્હાઇટ હાઉસ અને પેન્ટાગોનમાં નિયુક્ત કરેલા અધિકારીઓથી વિશ્વના અગ્રણી નેતાઓના નંબર પ્રાપ્ત કર્યા હતા.

આ માટે એક જ અધિકારીએ 200થી વધારે નંબર ઉપલબ્ધ કરાવ્યા હતા. જેમાંથી 35 નંબર વિશ્વના અગ્રણી નેતાઓના હતા. જો કે આમાંથી કોઇ પણ નેતાનું નામ જાહેર કરવામાં આવ્યું નથી.

English summary

US spying on world's 35 leaders