Video : કઝાકિસ્તાનમાં અઝરબૈજાન એરલાઈન્સનું પ્લેન ક્રેશ થતા 42 લોકોના મોત, ખૌફનાક વીડિયો સામે આવ્યો

Azerbaijan Plane Crash : દુનિયાભરમાં ક્રિસમસની ઉજવણી વચ્ચે કઝાકિસ્તાનથી માઠા સમાચાર સામે આવ્યા છે. અહીં એક વિમાન ક્રેશ થતા 42 લોકોના મોત થયા છે.

અહેવાલો અનુસાર, બાકુથી ગ્રોઝની તરફ જઈ રહેલુ અઝરબૈજાન એરલાઇન્સનું વિમાન પશ્ચિમ કઝાકિસ્તાનમાં અક્તાઉ નજીક ક્રેશ થયું. આ વિમાનમાં સવાર 67 મુસાફરો અને પાંચ ક્રૂમાંથી 42 લોકોના મોત થયા છે. 25 લોકોનો બચાવ થયો છે.

હવે આ ઘટનાનો એક વીડિયો સામે આવ્યો છે. આ વીડિયોમાં પ્લેન આગની જ્વાળાઓમાં લપેટાયેલું અને ક્રેશ સાઇટ પર ધુમાડો નીકળતો જોવા મળ્યો છે.

કઝાક પરિવહન મંત્રાલયે દુર્ઘટનાની પુષ્ટિ કરી અને ટેલિગ્રામ પર એક નિવેદનમાં જણાવ્યું કે, બાકુ-ગ્રોઝની રૂટ પર કાર્યરત અઝરબૈજાન એરલાઇન્સનું વિમાન અક્તાઉ નજીક ક્રેશ થયું છે.

આ વિમાન એમ્બ્રેર 190 હતું. જેનો ફ્લાઈટ નંબર J2-8243 હતો. ખરાબ હવામાન અને ગ્રોઝનીમાં ગાઢ ધુમ્મસને કારણે એરક્રાફ્ટને અક્તાઉ તરફ ડ્રાયવર્ટ કરાયુ હતું. ઇમરજન્સી લેન્ડિંગનો પ્રયાસ કરતા એરક્રાફ્ટ અક્તાઉથી અંદાજે 3 કિલોમીટર દૂર ક્રેશ થયું.

રશિયાની એવિએશન ઓથોરિટીએ પ્રાથમિક તપાસમાં પક્ષીઓની ટક્કર થવાની સંભાવના વ્યક્ત કરી છે. આનાથી પાયલટને ઈમરજન્સી લેન્ડિંગ કરવા ફરજ પડી.

ઇમરજન્સી સેવાઓ સ્થળ પર પહોંચી હતી અને આગ ઓલવવા અને બચાવ કામગીરી હાથ ધરવા માટે ઝડપી હતી. બચાવી લેવામાં આવેલા 25 લોકોમાંથી 22 લોકોને ગંભીર હાલતમાં સ્થાનિક હોસ્પિટલમાં દાખલ કરવામાં આવ્યા છે.

English summary

Video: 42 people died in Azerbaijan Airlines plane crash in Kazakhstan, horrifying video surfaced