શું છે ઈઝરાયેલનું યાહલોમ યુનિટ? એવુ શું ખાસ છે કે નામથી જ હમાસ ખૌફ ખાય છે?
હમાસના હુમલા બાદ ઇઝરાયેલી સેના સતત ગાઝા પર હુમલા કરી રહી છે. આ હુમલા વચ્ચે ઇઝરાયેલના ઘાતક યાહલોમ યુનિટની ખુબ ચર્ચા થઈ રહી છે.
યુદ્ધ વિરામ થતા કેટલાક નિષ્ણાતોએ તેને ઈઝરાયેલની શરણાગતિ ગણાવી હતી પરંતુ વાસ્તવિકતા આનાથી અલગ છે. ઇઝરાયેલ હજુ પણ હમાસની ટનલ શોધવામાં અને તેનો નાશ કરવામાં વ્યસ્ત છે અને અહીં યાહલોમ યુનિટ તેનું ઉદાહરણ છે.
અહેવાલો અનુસાર, યાહલોમ યુનિટને હમાસની ટનલ શોધવા અને તેને નષ્ટ કરવાનું કામ સોંપવામાં આવ્યું છે.
અહેવાલો અનુસાર, હમાસે ગાઝામાં ઘણી ભૂગર્ભ ટનલો બનાવી છે. ઈઝરાયેલ આ ટનલોને મેટ્રો કહે છે. આ પહેલા બુધવારે ઇઝરાયલે દાવો કર્યો હતો કે તેણે અલ-શિફા હોસ્પિટલની નીચે હમાસની ટનલ શોધી કાઢી છે.
ઈઝરાયેલ અનુસાર, સૈનિકો અને પત્રકારોને પણ ગાઝા શહેરના નાશ પામેલા વિસ્તારમાં અલ-શિફા હોસ્પિટલ હેઠળના બંકરોમાં લઈ જવામાં આવ્યા છે. સૈનિકોનું કહેવું છે કે આ ટનલ લગભગ 150 મીટર સુધી લાંબી છે.
હીબ્રુમાં યાહલોમ શબ્દનો અર્થ હીરા થાય છે. આ નામ પોતે જ તેની વિશેષતા દર્શાવે છે. આ યુનિટની સ્થાપના 1995માં કરવામાં આવી હતી. 2014ના ગાઝા યુદ્ધ બાદ ઈઝરાયેલે આ યુનિટનું કદ લગભગ બમણું કર્યું અને તેને 'ઈઝરાયેલ ઓપરેશન પ્રોટેક્ટીવ એજ તરીકે ઓળખવામાં આવે છે. યાહલોમે ઓપરેશન પ્રોટેક્ટીવ એજમાં મહત્વની ભૂમિકા ભજવી હતી.
ઇઝરાયેલનો દાવો છે કે યાહલોમ યુનિટે હમાસની સુરંગોને નષ્ટ કરીને સેનાનું રક્ષણ કર્યું છે અને આ કારણથી આ યુનિટની ક્ષમતાઓ બમણી કરવામાં આવી છે.
Click it and Unblock the Notifications
Sign in with Google
