તાલિબાન વિરૂદ્ધ વર્લ્ડ બેંકની કાર્યવાહી, અફઘાનિસ્તાનને મળતી આર્થિક સહાય રોકી!
અફઘાનિસ્તાનમાં તાલિબાનના કબજા બાદ ગભરાટનું વાતાવરણ છે. અત્યાર સુધી મોટાભાગના દેશોએ તાલિબાની શાસનને મંજૂરી આપી નથી અને આ દરમિયાન હવે વિશ્વ બેન્કે પણ મોટી કાર્યવાહી કરી છે.
અફઘાનિસ્તાનમાં તાલિબાનના કબજા બાદ ગભરાટનું વાતાવરણ છે. અત્યાર સુધી મોટાભાગના દેશોએ તાલિબાની શાસનને મંજૂરી આપી નથી અને આ દરમિયાન હવે વિશ્વ બેન્કે પણ મોટી કાર્યવાહી કરી છે. વિશ્વ બેંકે અફઘાનિસ્તાનને અપાતી આર્થિક સહાય અટકાવી દીધી છે. વિશ્વ બેંકના પ્રવક્તાએ આ માહિતી આપી છે.
અગાઉ અમેરિકાએ પણ ગયા અઠવાડિયે જાહેરાત કરી હતી કે તે અમેરિકામાં રહેલું અફઘાનિસ્તાનનું સોનું અને ચલણ અનામતને તાલિબાનના કબજામાં નહીં જવા દે. અફઘાનિસ્તાનની અમેરિકામાં 706 અબજ રૂપિયાની સંપત્તિ છે.
આંતરરાષ્ટ્રીય નાણાકીય ભંડોળ (IMF) એ પણ અફઘાનિસ્તાનને આર્થિક સહાય અટકાવી દીધી છે. IMF એ તાલિબાનના અફઘાનિસ્તાનમાં તેના સંસાધનોના ઉપયોગ પર પ્રતિબંધ મૂક્યો હતો. ઈન્ટરનેશનલ મોનેટરી ફંડ (IMF) એ અફઘાનિસ્તાનને 460 મિલિયન અમેરિકી ડોલર અથવા 46 મિલિયન ડોલરના ઈમરજન્સી રિઝર્વને પણ અટકાવી દેવાની જાહેરાત કરી હતી, કારણ કે દેશ પર તાલિબાનના નિયંત્રણથી અફઘાનિસ્તાનના ભવિષ્ય માટે અનિશ્ચિતતા સર્જાઈ છે.
વિશ્વ બેંક પાસે હાલમાં અફઘાનિસ્તાનના બે ડઝનથી વધુ પ્રોજેક્ટ ચાલી રહ્યા છે. બેંકની વેબસાઇટ પર ઉપલબ્ધ માહિતી અનુસાર, 2002 થી વિશ્વ બેન્કે અફઘાનિસ્તાનને 5.3 અબજ ડોલરની આર્થિક સહાય આપી છે.
Click it and Unblock the Notifications
Sign in with Google
