અમેરિકામાં નડિયાદના એન્જિનિયર યુવક પર લૂંટના ઈરાદે ગોળીબાર
Firing on Gujarati: અમેરિકામાં રહેતા ગુજરાતી યુવાનો પર હુમલાની ઘટનાઓ અટકવાનુ નામ નથી લઈ રહી. અમેરિકામાં સ્થાયી થયેલા નડિયાદના યુવાન પર અજાણ્યા લોકોએ લૂંટના ઈરાદે હુમલો કરી દીધો હતો.
નડિયાદમાં રહેતા શૈલૈષ મેનગરના એન્જિયર પુત્ર ઉજાસ અમેરિકાના નૉર્થ કોરોલીના સ્ટેટ ગ્રીનબોરો સિટીમાંલ સ્થાયી થયેલ છે. ગુરુવારે રાતે અજાણ્યા શખ્સે ઉજાસ પર ફાયરીંગ કરીને પેટમાં 3 ગોળી મારી દીધી હતી.
ઉજાસ ગુરુવારે રાતે નોકરી પરથી કારમાં પાછો આવી રહ્યો હતો. તે સમયે કોઈ અજાણ્યો વ્યક્તિ તેનો પીછો કરી રહ્યો હતો. ઉજાસ કાર પાર્ક કરીને બહાર આવ્યો એટલે તરત જ એ અજાણ્યા વ્યક્તિએ પૈસાની માંગણી કરી. બંને વચ્ચે ઝપાઝપી થઈ. ત્યારે અજાણ્યા શખ્સે રિવોલ્વોરથી ફાયરિંગ કરીને ઉજાસના પેટમાં 3 ગોળીઓ મારી દીધી.
ઉજાસને ગંભીર ઈજાની સ્થિતિમાં હૉસ્પિટલમાં દાખલ કરવામાં આવ્યો. ઑપરેશન કરીને તેના પેટમાં બે ગોળી કાઢી લેવામાં આવી હતી. ત્રીજી ગોળી હજુ પણ તેના પેટમાં છે અને તે નીકળવાની સંભાવના ઓછી હોવાનુ જાણવા મળ્યુ છે.
ઉજાસ વૉલ્વો ટ્રક કંપનીમાં પ્રોડક્ટ મેનેજર તરીકે નોકરી કરે છે. તેની સાથે બનેલી આ ઘટનાથી પરિવારનો સભ્યોમાં શોક છવાઈ ગયો છે. અમેરિકન પોલીસ લૂંટારુઓને શોધી રહી છે.
તમને જણાવી દઈએ કે થોડા દિવસ પહેલા જ એક ભારતીય છાત્ર અને તેલંગાણાના મૂળ નિવાસી વરુણ રાજ પૂચાને ઈન્ડિયાનાની એક જિમમાં માથામાં ચાકુ મારી દેવામાં આવ્યુ હતુ. હાલમાં તે એક હૉસ્પિટલમાં આઈસીયુમાં છે. પોલીસે આરોપીની ધરપકડ કરી લીધી છે અને વધુ તપાસ કરી રહી છે.
વરુણ રાજ પુચા કમ્પ્યુટર સાયન્સનો વિદ્યાર્થી છે. તેના પર હુમલો ત્યારે થયો જ્યારે તે રવિવારે સવારે એક જિમમાં ગયો હતો. ત્યાં હાજર જૉર્ડન એંડ્રેડે તેના પર ચાકૂથી હુમલો કર્યો હતો. હાલમાં તે જીવન-મરણ વચ્ચે જંગ લડી રહ્યો છે.
Click it and Unblock the Notifications
Sign in with Google
