Falafel Recipe : જાણો ફલાફલ બનાવાની રીત, ઘરે જ બનાવો નવીન ટેસ્ટી અને હેલ્ધી નાસ્તો
Falafel Recipe: રેસ્ટોરન્ટમાં ઘણી વખત ફાલફલ ખાવાનો આનંદ તમે માણ્યો હશે. ઘણી વખત સાંજના નાસ્તામાં કંઈક નવું ખાવાની ઈચ્છા થાય છે, આવી સ્થિતિમાં તમે ઘરે ચણામાંથી બનાવેલી ફલાફલ બનાવી શકો છો. ફલાફલ બનાવવાની રીત અનુસાર, તેની તૈયારી 1 રાત પહેલા કરવાની હોય છે.
ઘરે બનાવેલી ફલાફલ ખાધા બાદ તમને બહારનો સ્વાદ ગમશે નહીં. ચણા પ્રોટીનનો સારો સ્ત્રોત છે. ઘણીવાર તમે ફલાફલ ઘરે બનાવવાનું વિચાર્યું હશે. તો આ અહેવાલમાં આપણે ફલાફલ બનાવવાની રીત વિશે જાણીશું. જે ખૂબ જ સરળ છે.
ફલાફલ બનાવવા માટેની સામગ્રી - ફલાફલ બનાવવા માટે તમારે 1 કપ ચણાની જરૂર પડશે, જેને ઓછામાં ઓછા 6 થી 8 કલાક અથવા આખી રાત પાણીમાં પલાળીને રાખવામાં આવે. આ સિવાય પાર્સેલ (સુંગધી પાનવાળી એક વિલાયતી વનસ્પતિ)ની જરૂર પડશે, જો તે ન હોય તો તમે લીલા ધાણા પણ લઈ શકો છો, તેમજ તલ 2 ચમચી, લીંબુનો રસ 2 ચમચી, 2 લીલા મરચાં, 1 બારીક સમારેલી ડુંગળી, 3થી 4 લસણની કળી, 3 થી 4, 1 ચમચી જીરા પાવડર, સ્વાદ અનુસાર મીઠું અને તળવા માટે તેલ.
ફાલફલ બનાવવાની રીત - ફલાફલ બનાવવા માટે સૌપ્રથમ પલાળેલા ચણાને સારી રીતે ધોઈ લો અને બ્લેન્ડરમાં નાંખો. હવે તેમાં સુંગધી પાનવાળી એક વિલાયતી વનસ્પતિ(પાર્સેલ) અથવા ધાણા, તલ, ડુંગળી, ધાણાજીરું, લસણ, જીરું, લીલું મરચું, લીંબુનો રસ ઉમેરીને મિક્સર ચલાવીને જાડી બરછટ પેસ્ટ બનાવો. આ પેસ્ટને એક મોટા બાઉલમાં કાઢી લો અને તમારા સ્વાદ પ્રમાણે મીઠું ઉમેરો. હવે ગેસ પર એક મોટી તપેલી મૂકો અને તેમાં તળવા માટે તેલ મૂકો, ગેસની આંચને મધ્યમ રાખો.
બીજી તરફ પેસ્ટમાંથી નાના ગોળાકાર બોલ બનાવો. જ્યારે કડાઈનું તેલ ગરમ થઈ જાય, ત્યારે તેમાં બોલ્સ નાખી મધ્યમ તાપ પર ગોલ્ડન થાય, ત્યાં સુધી પકાવો. ફલાફલ 4 થી 5 મિનિટમાં તૈયાર થઈ જશે. ફલાફલને પ્લેટમાં કાઢીને તેને લીલી ચટણી અથવા સોસ સાથે સર્વ કરો.
Click it and Unblock the Notifications
Sign in with Google
