એશિયા કપમાં ટીમ ઈન્ડિયાનું સુકાન રોહિતને સોંપાયુ, વિરાટને આરામ

સપ્ટેમ્બરમાં શરૂ થઈ રહેલા એશિયા કપ માટે ટીમ ઈન્ડિયાનું એલાન કરી દેવામાં આવ્યુ છે. ભારત એશિયા કપ રોહિત શર્માની આગેવાનીમાં રમશે. વિરાટ કોહલી પર ભાર જોતા તેમને આરામ આપવામાં આવ્યો છે. ટીમમાં શિખર ધવનને વાઈસ કેપ્ટનની કમાન સોંપવામાં આવી છે.

વર્કલોડના કારણે આરામ

ટીમ ઈન્ડિયાના મુખ્ય પસંદગીકાર એમ એસ કે પ્રસાદે વિરાટ કોહલીને વર્કલોડના કારણે આરામ આપવાની વાત કહી છે. તેમણે કહ્યુ કે વિરાટ છેલ્લા ઘણા સમયથી સતત ક્રિકેટ રમી રહ્યો છે. આપણે આપણા મૂલ્યવાન ખેલાડીઓને સુરક્ષિત રાખવાની જરૂર છે જે ક્રિકેટના ત્રણે ફોર્મેટમાં રમી રહ્યા છે. વિરાટને વર્કલોડના કારણે આરામ આપવામાં આવ્યો છે અને તેમની જગ્યાએ રોહિત શર્મા ટીમના નવા કેપ્ટન હશે.

Considering the workload we have given Virat Kohli rest. He has been playing continuously for quite some time. We need to preserve some of our precious players who are playing all 3 formats, looking at that workload we have started with Virat &he will be rested for Asia Cup: BCCI pic.twitter.com/gHYZ7Kyfck

— ANI (@ANI) 1 September 2018

અંબાતી રાયડુને જગ્યા મળી

એશિયા કપ-2018 માટે ટીમમાં હાલમાં પોતાના યો-યો ટેસ્ટ પાસ કરનાર અંબાતી રાયડુને જગ્યા મળી છે. રાયડુએ આઈપીએલ-2018 માં પોતાના શાનદાર પ્રદર્શનથી પસંદગીકારોનું દિલ જીતી લીધુ હતુ પરંતુ પહેલી વાર યો-યો ટેસ્ટ પાસ ન કરી શકવાને કારણે ઈંગ્લેન્ડના પ્રવાસે ટીમ સાથે નહોતા જઈ શક્યા. વળી, સ્કવેડમાં એક નવુ નામ બધાને ચોંકાવનારુ છે જે છે ખલીલ અહેમદ. લિસ્ટ-એ ક્રિકેટની 17 મેચોમાં 28 વિકેટ લેનાર મધ્યમ ગતિના બોલરને પણ ટીમમાં જગ્યા મળી છે.

Indian cricket team for #AsiaCup2018 - Rohit Sharma(C), Shikhar Dhawan (VC), KL Rahul, AT Rayudu, Manish Pandey, Kedar Jadhav, MS Dhoni, Dinesh Kartik, Kuldip Yadav, Hardik Pandya, Y Chahal, Akshar* Patel, Bhuvneshwar Kumar, Jasprit Bumra, Shardul Thakur and Khaleel Ahmed: BCCI https://t.co/rGIYVFnKhK

— ANI (@ANI) 1 September 2018

આ હશે ટીમ ઈન્ડિયા

રોહિત શર્મા (કેપ્ટન), શિખર ધવન (વાઈસ કેપ્ટન), કેએલ રાહુલ, અંબાતિ રાયડુ, મનીષ પાંડે, કેદાર જાધવ, એમ એસ ધોની, દિનેશ કાર્તિક, હાર્દિક પંડ્યા, કુલદીપ યાદવ, યજુવેન્દ્ર ચહલ, અક્ષર પટેલ, ભુવનેશ્વર કુમાર, જસપ્રીત બુમરાહ, શાર્દૂલ ઠાકુર, ખલીલ અહેમદ

English summary

asia cup 2018 indian team announced rohit declared captain