આઈપીએલ ટાઇટલ સ્પૉન્સરશિપ માટે ટેન્ડર મંગાવાયા
મીડિયાને જારી કરવામાં આવેલ પ્રેસનોટમાં બીસીસીઆઈએ જણાવ્યું છે કે આ ટેન્ડર બીસીસીઆઈ, ક્રિકેટ સેંટર, મુંબઈમાં સવારે 10થી સાંજે 6 વાગ્યા સુધી પ્રાપ્ત કરી શકાશે. દરેક ટેન્ડરની કિંમત બે લાખ રૂપિયા છે. બીસીસીઆઈના જણાવ્યાં મુજબ આ કૉન્ટ્રાક્ટ પાંચ વર્ષ (2013-2017) માટે કરાશે.
નોંધનીય છે કે અત્યાર સુધી ડીએલએફ આઈપીએલનો ટાઇટલ સ્પૉન્સર હતું. ડીએલએફએ બીસીસીઆઈ સાથે આ માટે પાંચ વર્ષનો કરાર કર્યો હતો. આ કરારની મુદ્દત આ વર્ષે સમાપ્ત થઈ ગઈ છે અને ડીએલએફએ કૉન્ટ્રાક્ટ આગળ ચાલું રાખવાનો ઇનકાર કર્યો છે.
આઈપીએલની છઠી સીઝનનો પ્રારંભ 30મી એપ્રિલ, 2013ના રોજથી થવાની છે.
Click it and Unblock the Notifications
Sign in with Google
