BCCIએ ડેક્કન ચાર્જસ સાથેનો કરાર તોડ્યો

| Updated: Saturday, February 14, 2015, 16:46 [IST]

મુંબઇ, 13 ઓક્ટોબર: આર્થિક સંકળામણનો સામનો કરી રહેલી આઇપીએલની ફ્રેન્ચાઇજી ડેક્કન ચાર્જસનો બીસીસીઆઇ સાથેનો કરાર ખતમ થઇ ગયો છે. થોડા દિવસ પહેલા બોમ્બે હાઇકોર્ટે કરેલા આદેશ પ્રમાણે ડેક્કન ચાર્જસ બીસીસીઆઇને 100 કરોડની બેન્ક ગેરંટી આપવામાં નિષ્ફળ રહી હતી. આખરે બીસીસીઆઇએ આ ટીમ સાથેનો કરાર રદ કરી દીધો છે.

અત્રે નોંધનીય છે કે ડેક્કન ક્રોનિકલ હોલ્ડીંગ લિમિટેડ કંપની ડેક્કન ચાર્જસની માલિક છે. કંપનીએ બેન્ક ગેરંટી આપવાની સમય મર્યાદા વધારવા કોર્ટને વિનંતી કરી હતી પરંતુ ઘણો સમય થઇ જવાના કારણે કોર્ટે ઇનકાર કરી દીધો હતો.

જોકે આ પહેલા બીસીસીઆઇએ ટીમને વેચવા માટે 15 સપ્ટેમ્બરે હરાજીનું આયોજન કર્યું હતું પરંતુ આર્થિક સંકળામણના કારણે કોઇએ ટીમ ખરીદી નહી. ડેક્કન ચાર્જસ 2009માં આઇપીએલની ચેમ્પીયન બની ચૂકી છે.