Aaj Ka Match Kon Jeeta : ટ્રેવિસ હેડ-દિનેશ કાર્તિકની શાનદાર બેટિંગ, આરબીસીની વધુ એક હાર
સનરાઈઝર્સ હૈદરાબાદ સામે રમાયેલા આરબીસીના વધુ મુકાબલામાં ટીમને વધુ એક હારનો સામનો કરવો પડ્યો છે. પહાડ જેવડા મોટા સ્કોરનો સામનો કરવા ઉતરેલી આરબીસી 25 રને મેચ હારી ગઈ.
આરસીબી અને સનરાઈઝર્સ હૈદરાબાદ વચ્ચેના આ મુકાબલામાં બેટ્સમેન હાવી રહ્યા. પ્રથમ બેટિંગ કરતા હૈદરાબાદે 3 વિકેટે 287 રન ખડકીને રેકોર્ડ બનાવી દીધો.
ટોસ જીતીને RCBએ બોલિંગ કરવાનો નિર્ણય કર્યો અને તે ખોટો સાબિત થયો. હૈદરાબાદના બેટ્સમેનોએ ફાયદો ઉઠાવ્યો. અભિષેક શર્મા અને ટ્રેવિસ હેડે આક્રમક અંદાજમાં બેટિંગ કરીને પ્રથમ વિકેટ માટે સદીની ભાગીદારી કરી. આ પછી અભિષેક 22 બોલમાં 34 રન બનાવીને આઉટ થયો.
આ પછી પણ ટ્રેવિસનું બેટ શાંત ન રહ્યું અને હેડે 20 બોલમાં પોતાની ફિફ્ટી પૂરી કરી. આ પછી તે વધુ આક્રમક બન્યો અને 39 બોલમાં સદી પૂરી કરી.
આઈપીએલના ઈતિહાસમાં આ ચોથી સૌથી ઝડપી સદી છે. હેડ 9 ચોગ્ગા અને 8 છગ્ગાની મદદથી 102 રન બનાવીને આઉટ થયો.
હેડ પછી હેનરિક ક્લાસેનનું તોફાન જોવા મળ્યું હતું. ક્લાસને માત્ર 31 બોલમાં 67 રનની શાનદાર ઇનિંગ રમી. તેના બેટમાંથી 7 છગ્ગા અને 2 ચોગ્ગા જોવા મળ્યા. અંતે માર્કરામ અને અબ્દુલ સમદે માહોલ બનાવ્યો.
માર્કરામે 17 બોલમાં અણનમ 32 રન બનાવ્યા. બીજી તરફ અબ્દુલ સમદે તોફાન મચાવતા 10 બોલ રમીને 37 રનની અણનમ ઇનિંગ રમી. આ દરમિયાન તેના બેટમાંથી 4 ચોગ્ગા અને 3 છગ્ગા આવ્યા. આ રીતે હૈદરાબાદે 3 વિકેટે 287 રન બનાવીને IPLનો સર્વોચ્ચ સ્કોર બનાવ્યો.
આ સીઝનની શરૂઆતમાં હૈદરાબાદે 277 રન બનાવીને ઈતિહાસ રચ્યો હતો પરંતુ આજે તેણે પોતાનો જ તે રેકોર્ડ તોડી નાખ્યો.
જવાબી ઇનિંગ્સમાં રમતા વિરાટ કોહલી અને ફાફ ડુ પ્લેસિસે RCB માટે સારી શરૂઆત કરી. બંનેએ આક્રમક બેટિંગ કરી અને પ્રથમ વિકેટ માટે 80 રનની ભાગીદારી કરી. કોહલી 20 બોલમાં 42 રન બનાવીને આઉટ થયો, તેણે 6 ફોર અને 2 સિક્સર ફટકારી.
આ પછી ફાફ ડુ પ્લેસિસે 23 બોલમાં પોતાની ફિફ્ટી પૂરી કરી. વિક જેક્સ 7 રન બનાવીને રનઆઉટ થયો હતો.
આ પછી રજત પાટીદાર 9 રન બનાવીને આઉટ થયો. તેના પછી ડુ પ્લેસિસ 28 બોલમાં 62 રન બનાવીને આઉટ થયો. સૌરવ ચૌહાણ ખાતું ખોલાવ્યા વિના જ આઉટ થઈને પેવેલિયન પરત ફર્યો. કેટલાક સારા શોટ બાદ મહિપાલ લોમરોડ પણ 19ના સ્કોર પર આઉટ થયો.
અહીં ફરી એક વખત દિનેશ કાર્તિકના બેટથી ઘમાલ જોવા મળી. તેને 23 બોલમાં પોતાની ફિફ્ટી પૂરી કરી પરંતુ મેચ ન જીતાડી શક્યો. તેણે પોતાની તોફાની બેટિંગથી ટીમને જીતની નજીક પહોંચાડવામાં મદદ કરી પરંતુ 35 બોલમાં 7 છગ્ગા અને 5 ચોગ્ગાની મદદથી 83 રન બનાવીને 19મી ઓવરમાં આઉટ થઈ ગયો.
આ પછી અનુજ રાવત 25 રન બનાવીને અણનમ પરત ફર્યો પરંતુ RCB 7 વિકેટે 262 રન જ બનાવી શકી અને 25 રને મેચ હારી ગઈ.
Click it and Unblock the Notifications
Sign in with Google
