IND vs PAK : પાકિસ્તાન સામેની જીત બાદ રિંકુ-સૂર્યા સાથે જોવા મળેલી મિસ્ટ્રી ગર્લ કોણ છે? જુઓ ફોટો

By Desk

Updated: Monday, February 16, 2026, 13:13 [IST]

ભારત-પાકિસ્તાન મેચ બાદ સોશિયલ મીડિયા પર ટીમ ઈન્ડિયાના સ્ટાર ખેલાડીઓ સાથેની કેટલીક તસવીરોએ ખળભળાટ મચાવ્યો છે. રિન્કુ સિંહ અને સૂર્યકુમાર યાદવ જેવી હસ્તીઓ સાથે એક અજાણી યુવતી વાયરલ ફોટામાં જોવા મળી રહી છે.

આ તસવીરો જોઈને ચાહકો આશ્ચર્યચકિત થઈ ગયા છે કે આ 'મિસ્ટ્રી ગર્લ' સુરક્ષા કોર્ડન તોડીને ખેલાડીઓની આટલી નજીક કેવી રીતે પહોંચી. ઈન્ટરનેટ પર આ ફોટા વાયુવેગે ફેલાઈ રહ્યા છે અને લોકોમાં અનેક તર્ક-વિતર્ક શરૂ થયા છે.

માયા સુઈ (Maya Sui) નામના ઇન્સ્ટાગ્રામ હેન્ડલ પરથી આ તસવીરો શેર કરવામાં આવી છે, જેના ૩ લાખથી વધુ ફોલોઅર્સ છે. આ પ્રોફાઇલ પર યુવતી પોતાને ક્રિકેટ અને ફૂટબોલની ખૂબ જ મોટી ચાહક ગણાવી રહી છે.

સોશિયલ મીડિયા યુઝર્સ સતત પૂછી રહ્યા છે કે શું આ યુવતી ભારતીય ક્રિકેટરની મિત્ર છે કે કોઈ નવી સેલિબ્રિટી? જોકે, આ તસવીરો પાછળનું સત્ય બહાર આવતા જ ફેન્સના હોશ ઉડી ગયા છે.

હકીકતમાં, આ તસવીરોમાં દેખાતી યુવતી કોઈ જીવતી જાગતી વ્યક્તિ નથી, પરંતુ આર્ટિફિશિયલ ઇન્ટેલિજન્સ (AI) દ્વારા તૈયાર કરવામાં આવેલું એક ડિજિટલ મોડેલ છે. માયા સુઈ નામનું વાસ્તવિકતામાં કોઈ અસ્તિત્વ જ નથી.

AI ટેકનોલોજીનો ઉપયોગ કરીને રિન્કુ સિંહ અને સૂર્યકુમાર યાદવ સાથે આ તસવીરો એટલી સચોટ રીતે એડિટ કરવામાં આવી છે કે તે બિલકુલ વાસ્તવિક લાગે છે. આ બધી જ તસવીરો સંપૂર્ણપણે 'ફેક' છે.

આ ઈન્સ્ટાગ્રામ એકાઉન્ટ પર ફૂટબોલ સ્ટાર રોનાલ્ડો સાથેના ફોટા પણ અપલોડ કરવામાં આવ્યા છે. હજારો લોકો આ એઆઈ મોડેલને સાચી વ્યક્તિ માનીને તેના પર કોમેન્ટ્સ કરી રહ્યા છે અને તેને ફોલો પણ કરી રહ્યા છે.

આ ઘટના એ વાતનો પુરાવો છે કે AI ટેકનોલોજી હવે કેટલા જોખમી સ્તરે પહોંચી ગઈ છે. સેલિબ્રિટીઝના ચહેરાનો પરવાનગી વગર ઉપયોગ કરવો એ તેમની પ્રાઈવસી અને સુરક્ષા માટે ગંભીર જોખમ ઉભું કરી શકે છે.