Asia Cup 2023: પાકિસ્તાન સામેની મેચને લઇ રોહિત શર્માએ તોડી ચુપ્પી, જાણો ક્યારે છે મેચ
વનડે વર્લ્ડ કપ પહેલા એશિયા કપમાં ભારત અને પાકિસ્તાન વચ્ચે ટક્કર થશે. આ બંને ટીમો વચ્ચે પ્રથમ મેચ 2 સપ્ટેમ્બરે રમાશે. એશિયા કપમાં ભારત અને પાકિસ્તાન વચ્ચે કુલ ત્રણ મેચ રમાઈ શકે છે.
પ્રથમ ગ્રૂપ સ્ટેજ બીજી તારીખે યોજાશે. અને સુપર ફોરમાં બીજી મેચ 10 સપ્ટેમ્બરે રમાશે. જો આ બંને ટીમ ફાઈનલમાં પહોંચે છે તો 17 સપ્ટેમ્બરે ફરી એકવાર બંને વચ્ચે ટક્કર થઈ શકે છે.
ચાહકો ભારત અને પાકિસ્તાન વચ્ચેની હાઈ વોલ્ટેજ મેચની આતુરતાથી રાહ જોઈ રહ્યા છે. એશિયા કપ 2023નું આયોજન પાકિસ્તાન અને શ્રીલંકામાં થવા જઈ રહ્યું છે. એશિયન ક્રિકેટ કાઉન્સિલે આ મોટી ટૂર્નામેન્ટનું શેડ્યૂલ જાહેર કર્યું છે. તે મુજબ ટૂર્નામેન્ટની પ્રથમ મેચ 30 ઓગસ્ટે પાકિસ્તાનના મુલતાનમાં રમાશે.
સ્ટાર સ્પોર્ટ્સ સાથે વાત કરતા ભારતીય કેપ્ટન રોહિત શર્માએ પાકિસ્તાન સામેની મેચને લઈને કેટલીક બાબતોનો ઉલ્લેખ કર્યો છે. રોહિત શર્માએ કહ્યું કે જ્યારે તમે પાકિસ્તાન સામે રમો છો ત્યારે તે હંમેશા પડકારજનક હોય છે.
તેમને હરાવવા અને તેમની સામે રમવું, આ માટે અમારે ઘણું કરવું પડશે. અમે ઈચ્છીએ છીએ કે અમારી ટીમ એશિયા કપ માટે સંપૂર્ણ રીતે તૈયાર હોય.
ભારત અને પાકિસ્તાન વચ્ચે છેલ્લે 2022 વર્લ્ડ કપમાં મેચ રમાઈ હતી. ગયા વર્ષે રમાયેલા એશિયા કપમાં ભારતને સુપર ફોરમાં પાકિસ્તાનના હાથે હારનો સામનો કરવો પડ્યો હતો.
પાકિસ્તાન ઉપરાંત ટીમ શ્રીલંકા સામે પણ હાર્યું હતું. જેના કારણે ભારત ફાઇનલમાં જગ્યા બનાવી શક્યું નથી. ભારત આ વર્ષે કોઈપણ ભૂલનું પુનરાવર્તન ટાળવાનો પ્રયાસ કરશે.
Click it and Unblock the Notifications
Sign in with Google
